JEREMIA 6:28 - PATHIAN LEKHABU IRTHIANG C.L. Bible (BSI)

²⁸ An rêngin tukullian tehelzong hrât an ni, dârsen le thîr anga ngar an ni. An rêngin dik loi thu chanlamboia irthekindarhai an ni.

JEREMIA 6:28 ပူးပေါင်းရင်းမြစ်များ

JEREMIA 9:4

A tu mi khomin rualsa ata a irvêng ngêt hrang a ni. Tu mi khomin a urêngpa iam zoi no ni; a san chu tu urêngpa khom ni sian, Jakoba anga minlak a nia, tu mi khomin rualsa a hril insiat ngai.

JEREMIA 5:23

Khannisian nangni’n mipuihai chu! tukullian le tehelzongin nin kal nin pêtin nin ni imâk a ni.

JEREMIA 18:18

Khanchu mipuihai khan, “Jeremia chungthua hin i mani chu tho ei ti. Itiklai khomin ochaihai le irchu hrang, mi vârhai lungvâr ni sak hrang le deipuhai Pathian chongbe inpuang chu, an iom mai hrang a ni. Khasikin ama chu hrilinsiat ei ta, a thuhrilhai khom hi irngai pe no ih,” an tia.

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.

JEREMIA 20:10

Mihai chong set sat kin hriata, “Hmun tina ichi zât irkhêla om ngai! Tho thuneituhai kuang la va hnôl ta rei,” tiin ki rual sahai lua’n kin rîl zoro an inghâk chian a ni; “huang thei duai an ni itinin, khanchu chel ei ta, phuba la ei ta,” an tia.

JEREMIA 6:30

Anni chu lûtna nei loi, thîr êk tia bê ni an ti. Keima Rengpa ngêtin anni chu ki ihnôlhai tâk a ni sikin,” a tia.

ISAIA 31:6

O Israel mihaio, “A sân tehel pe khom unglân hong kîr nôk ta roi.

INPÂKNA HLAHAI 50:20

Toi pumin ni urêng ni hrilinsiata; Ni urênghai ngei kha ni nuiso ngai.

LEVI DÂN 19:16

Mi chungchâng, milak chong inzaptu ni no ro: thi zôi thei ngîrhmuna ngîr kha san hrangin ni thu inhriat ang ang hril irdîn no ro; Rengpa ki ni hi.

EZEKIELA 24:13

O Jerusalem ni sintho porinchehai khan irthiang loia nang a isia a ni hi. Nang irthiangtir ki lei tum nâka chu, irthiang loiin ni la om maia. Khasikin, ki ningmurna hi ni tuang mâka chu irthiangin om nôk ta no chi ni.

LEVI DÂN 14:43

Hi hi pai a nia, inmâi innâmna ziatkhok zit hnunga a thar thûl a ni zoia khom hri a kop nôkin chu,

INPÂKNA HLAHAI 14:1

Mi invêtin a lungrîlin, “Pathian om mah,” a ti ngaia, an siat zoia, thil intirom an thoa, tukhom thil sa tho rêng om mahai.

THUVÂRHAI 10:18

Mi a hmumâkna thuptu chu milak a nia; mi insîrinsiat ngaitu rêk chu mi’nto a ni.

JEREMIA 7:28

An kuang, “Hi nam hi Rengpa an Pathian irhâi irngaitua laia, sepna dong loi nam an ni hi,” ti ni ta, thudik ar hmang ta, an bâi ata paiirhmang a ni ta. Iamomna chu a boi tâka, sâmin om ta ngai mah.

JEREMIA 9:3

Minlak tho hrangin an irfôk mai ngaia; Ram sûnga dikna nêkin irhuangna an lal tâka. Rengpa’n a ti, “Ki mihaiin thil saloi ata saloi thil dang an thoa, an Pathian an ni inhriat viat ta loi a ni,” a tia.

EZEKIELA 2:7

Tehelzong tak nihai khomsian, an irngai mo irngai mahai mo, ki thu hi hril mai roh.