JEREMIA 52:20 - PATHIAN LEKHABU IRTHIANG C.L. Bible (BSI)

²⁰ Tempila hranga Solomona isin dârsen chopui inhni, tôlna rêlhai, tuipang lian le a toina sehrâtchal sômhleihnihai chu a rik hraia varh zoi zât ni maka.

JEREMIA 52:20 ပူးပေါင်းရင်းမြစ်များ

1 RÊNGHAI 7:47

Hi neinunhai hi a tam hrai sikin idôr vêl chia mo a inih ti chu inhriat thei ni mah.

2 RÊNGHAI 25:16

Solomona’n tempila hrang dâra siam chopui, tâli, tuipanghai chu var thei loi raka rik a ni.

2 THURCHI SUINA 4:18

Khaang khan Solomona’n bêlbûr tamtak a sina, dâr chu varh zoi zât ni maka.

1 THURCHI SUINA 22:14

Rengpa in sinna hrang rângachak her sîngthum le sângminli, sumru her nuaithum sîngminli, ki lei irtik zazâm sai, dâr le thîr vâng chu var zoi loi, thing le lung khom ki lei ibuk sai la lâk sa a nang hrang khoma.

1 RÊNGHAI 7:25

Tuipang chu sechal irlim sômhleihni chunga an toia, inthumin hmâr tiang an ena, inthumin sim tiang an ena, inthumin nisua tiang an ena, inthumin nitâk tiang an ena, an chunga khan tuipang chu an toia, sechalhai chu an zer tiang a’rtôntirhai chita.

JEREMIA 52:17

Babulon-hai khan tempila dâr chopuihai, tôlna rêlhai le dâr tuipanghai an inkhoi chita, dârsenhai khom Babulon-a an chôi vinga.