JEREMIA 51:5 - PATHIAN LEKHABU IRTHIANG C.L. Bible (BSI)

⁵ Israel le Juda chu, Israel mi irthiang, ki chunga hin sual khomsian, keima Rengpa Pathian Itinrêngthotheiin ki intha loi a ni.

JEREMIA 51:5 ပူးပေါင်းရင်းမြစ်များ

1 RÊNGHAI 6:13

Israelhai laia om ki ta, ki mi Israelhai chu masanhai no ning,” a tia.

2 RÊNGHAI 21:16

Manasea’n ite ti loihai a that intamhaia, Jerusalema thisen a iluang hluk a ni. Juda mipuihai chu millim biak an uartirhaia, Rengpa ta hrangin thilsual an itho a ni ta.

EZRA 9:9

A’rhmang zoi hrang chu kin nia; khannisian kin Pathianin ar hmang zoi hranga kin om laiin, ni’rnghil maka, nin hartir le kin Pathian in indingtir nôk, a siat tâk irvo insatir nôk hranga Judai ram le Jerusalema Kul nei hranga Persia rêng mithmua kin chunga inrenna a zuang irzâmtira.

INPÂKNA HLAHAI 94:14

Rengpa khan a mihai a ipaithâk hrang ni ma, A dongtum chu a irotsan hrang ni mah.

ISAIA 44:21

Jakoba, hi hi inhre mai ro, Israel, nangma hi chu ki siahlo ni ni, ki siahlo ni hrangin nang ki siama, O Israel, nang irnghil ngai ma ung.

ISAIA 51:15

Kei hi Rengpa nin Pathian chu ki ni, Tuikhanglianhai ki’rsôntira, tui a irsok but but ngai a ni, ki’rhming chu itinrêng Rengpa a ni.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

JEREMIA 14:19

Rengpa Judahai chu ni ihnôl phar ma ni ta? Zion-a mipuihai chu ni ipaihai rak ma ni? I lo hrang mo irtharngamna kin zonga, khannisian ite thil sa tung maka; dam hrangin kin sabeia, lungkângna kêng a itung.

JEREMIA 14:9

Itho mo hi dôra ni ichaninvâi, changpui theina nei sipai teh ni ang tâka? A dik takin, Rengpa kin kuang ni oma! ni mihai kin nia, ni ma viat no ro,” a tia.

JEREMIA 16:18

Ki ram chu millim pathian hringna boi le pathian dik loi porchein an siam sikin, an sualnahai le pualoinahai sika khan a bâk inhniin thuanhai ki ti,” a tia.

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 23:15

Khasika khan, itinrêng sinthei Rengpa, keima’n Jerusalem deipuhai chungthu chu hiang hin ki iti a ni. Anni chu thil khâ fâk hrang le tûr in hrang pe ki ti. Ram pumpuia Pathian chit loina an inthekindartir tâk sikin,” a tia.

JEREMIA 31:37

Rengpa’n hiang hin a ti; chung tianga irvân khi irkhî thei a nia, hnuai tianga irnêng irnghatnahai hi zong suak a ni thei tena, Israel irchihai chu an sin lei thohai murdi sikin paihai ki tih ti hi Rengpa thu suak a ni.

JEREMIA 46:28

Nin kuang zuang ki ta, nangni inzôk ki ti. Nangni kin thekindarna hmun nam tinhai that irhmanghai ki ta, khan nangni chu nangni that irhmang zoi no ning. Dûk tho loiin chu nangni inomtir no ning, nangni kin tuangtir khomin, diktakin nangni intuangtir ki ti.

JEREMIA 50:20

Kha zoro kha a hong tungin chu, Israel rama sual sin hmu ni ta no nia, Judai rama tho’nchâina hmu ni ta no ni, an hringna ki inzôk pehai kha ki ngaidam hrang tâk sikin, keima Rengpa’n ki iti a ni,” a tia.

JEREMIA 51:19

Jakoba Pathian chu anni ang kha ni maka; anni chu chi tinrênga siamtu kha a ni, ama mihai ni hrangin Israelhai a inthanghai a ni. Rengpa Itinrêngthothei chu ar hming a ni.

EZEKIELA 8:17

Ama’n ki kuang, “O mihriam nâipa, hi hi ni hmu mo? thil porinche an tho tâk hi? Juda in sûngkua ta hrangin thil intirom mo ni ma? ram chu thilsual porinchena’n a sipa, ki ninginmurtir hrangin an itho nôk a ni, en ro, an hnâra sûlhna an siaa.

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

HOSEA 2:1

Nin urêngpahai kuanga khan, Ammia, ti unglân, nin farnuhai kuanga khan, Ruhamai, ti roi.

HOSEA 2:3

khano’nchu, bomboiin inomtir ki ta, A suak nikhuaa a om ang khan inomtir ki ta, Ramchâr angin siam ki ta, ramchâr khohroi angin inomtir ki ta, tui inhrâlin that ki ti.

HOSEA 4:1

Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei.

HOSEA 4:2

Khomâksâm, irhuang, irthat, inrûk, uire uarhai a punga, thisen kha thisenin a zui mai.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

MIKA 7:20

Tianlaia ei puhai kuang chong nin kung tâka, Jakoba kuang thutak le Abrahama kuang lungkhamna kha hlensua ni ti.

ZAKARIA 12:6

Kha tena chu Juda namhai chu ram kâra mei angin le, loia bu hmun laia mei angin siamhai ki ta, an kôlvêla namhai chu lan boipaihai ving an ti. Jerusalema mihai chu khopui sûnga khan lungthi takin om an ti.

ZAKARIA 12:8

Kha tena chu Rengpa’n Jerusalema omhai chu hrunghai a ta, an laia hrât loi tak khom Davida angin la hrât a ti. Khanchu Rengpa vântirtôn, Pathian ang dên khan, Davida irchi suanpâra mihaiin anni chu la hruaihai an ti.

ZAKARIA 2:12

Khan, Rengpa khan ram irthianga a dongtum hrangin Juda kha lua a ta, Jerusalem kha lan thang a ti.

1 SAMUELA 12:22

A chonginkung dettak sika hin Rengpa’n a mihai chu masan no nia, a mi ni hrangin nangni a len sâp tâk sika hin.