JEREMIA 51:48 - PATHIAN LEKHABU IRTHIANG C.L. Bible (BSI)

⁴⁸ Hmâr tianga irthokin mi a se hranga honghai kuta Babulon ram a dok tena chu, irnêng le irvâna thil tinrêng raifânin pâi an ti.

JEREMIA 51:48 ပူးပေါင်းရင်းမြစ်များ

THUPHUANG 18:20

O irvân le Pathian mihai, tirtônhai le deipuhai, a ramna sika hin lôm ta roi! Nin chunga a tho lam angin Pathianin a irêl tâk a ni hi!

ISAIA 44:23

Irvânhaio, lômin zâi roi, Rengpa’n sin a itho a ni ta, irnêng rîlhai khom khêksuak unglân, Ram le thing om murdihaio, khêk murin om ta roi. Jakoba chu Rengpa’n a’rtansuaka, Israelhai laia nin chôiindôm sa tâk.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

JEREMIA 50:41

Mi hmâr tiang rama irthokin an zuanga, nam hrât tak ram hlataka irthokin; rêng tamtak irdoina hmuna fe hrangin an irsiam ta.

JEREMIA 50:9

Hmâr tianga nam hrâthai senkhat inthorhai ki ta, anni chu Babulon ram ki indoitir hrang a ni. A doi hrangin irtâng an ta, an irûn hrang a ni. Râl doi thei tak an nia, an thal kâphai khan tok loiin om ngai mah.

THUVÂRHAI 11:10

Mi dikhai an tuanintung kârka chu khua le tui a raiinfâna, mi siahai an thiin raifânna khêk mur mur a om ngai.

JEREMIA 51:56

Babulon insiatchit hranga hong an nia; a sipaihai chu chelin an om tâka. An sâihlihai inkhiak pehai an ta, kei chu sual dûk intho ngai Pathian ki nia, Babulon chu ar hoipui lam takin intuangtir ki ti.

EZEKIELA 35:14

Khan Rengpa Pathianin hiang hin a hrila, “A sân ni ram inpontir ki ta, rammual pumpui chu ni itûkna sika khan lôm an ti, ki’rchon Israelhai an siat laia ni ilôm ang khan.