JEREMIA 51:47 - PATHIAN LEKHABU IRTHIANG C.L. Bible (BSI)

⁴⁷ Khaangin Babulon ram millim dûk ki itho hrang zoro a hong itung thiai a ni. A ram pumpui hmâimôkna sin ni a ta, a mihai chu that ni ving an ti.

JEREMIA 51:47 ပူးပေါင်းရင်းမြစ်များ

ISAIA 21:9

Sakor chungchuang a bopa honghai, an hong tung thuta! “Babulon khua a siat ta, a siat ta. An millim pathianhai an irtantir pehai rem rum ta,” râl hrungtu’n a ti.

JEREMIA 11:22

Hi sika hin Rengpa itinrêng thotheiin a iti a ni, “Anni chu dûk thohai ki ta, an ruathartehai irdoina hmuna thi an ta, an nâihai fâk hrang boiin an ithi hrang a ni.

JEREMIA 13:21

Rual sa ni inei ngaihai khan nang an rûna ni chunga roirêl sianlân, imo ni iti ta hrang? Nupang nâi nei ang takin a nâ ni ituang hrang a ni.

JEREMIA 23:34

Ki ihmu tu khôkin mani, deipu’n mo, ochaiin mo, ‘Rengpa puakrik’ ti chongbâi a hmangin chu, ama le a in sûngkuahai dûk thohai ki ti.

JEREMIA 25:12

Khahai kha a hek tika chu, Babulon ram le a rêng chu an sual sikin dûk tho ki ti. Kha ram kha insiat ki ta, kumtuanga hrangin ramin siat ta a ti.

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

JEREMIA 51:18

Hlutna nei loi an nia, hmusit zât an ni. Anni ngaitua hranga Rengpa a zuang tika chu, anni chu insiatchit ni an ti.

JEREMIA 51:24

Khan Rengpa’n, “Jerusalem chunga thil a itho insualhai sika khan Babulon ram le a mihaiin ki toi lai ni hmu an ti.

JEREMIA 51:43

A khuahai chu en intak, tui boina, ramchâr, mi tûte om loi inzin loina hmun ang kha a ni.

JEREMIA 51:52

Khasikin ki iti a ni, Babulon millimhai dûk ki itho hrang zoro chu a hong itung thiai a ni ta. A ram pumpuiin a pophai chu inrung vung an ta;