JEREMIA 51:41 - PATHIAN LEKHABU IRTHIANG C.L. Bible (BSI)

⁴¹ Rengpa’n Babulon chungthu a hrila, “Khopui rammual pumpui inpâk ngai chu chelin a om tâka! Namhai ta hrangin Babulon chu i dôra enirkhêl mo a hong ichang tâk!

JEREMIA 51:41 ပူးပေါင်းရင်းမြစ်များ

2 THURCHI SUINA 7:21

“Atûn chu hi in hi mi tinin irngaiirsâng an ta, kha tena chu a kôla fe murdihaiin ar khêl tih an ta, Itina mo Rengpa hin hi ram le hi tempil hi hianga a isoisak hi! ti an ti.

ISAIA 13:19

Reng ram khua roiinpui tak, Babulon kho hoitak, Kaldaihai irsorpui ngai chu Rengpa’n irhniamtir a ta, Sodom le Gomora khua ang khan!

ISAIA 14:4

Hi êsêlna hla hin Babulon rêng la khêkkhum ni a ti, “Itina mani ta, a ni soisaktu chu an thim val tâka! rângachak khopui khom ite ar hâi om ta maka!

JEREMIA 49:25

Khopui irhming inthang lôm taka om ngai kha, dâisanhreka mâk a ni tâka.

JEREMIA 50:23

Babulon ramin rammual pumpui hi sekchôi leh a suk chita, atûn chu kha sekchôi kha a siat tâk! Kha ram chunga thil tung kha nam tinin an ilôi a ni.

JEREMIA 50:46

Babulon an rîl tika chu, irhâi irkhêl tak om a ta, irnêng pumpui inhnîng a ta, chitnain khêk irhâi chu nam danghaiin inhria an ti,” a tia.

JEREMIA 51:37

Kha ram kha hmun ram, rama sahai lêngna chang a ti. En irkhêl tak chang a ta; kha khan tûte om no nihaia; mi tin a hmuhaiin a sate’n chi an ti.

EZEKIELA 27:35

“Khanchu tuipui kôla om murdihai chu ni thil tongna sika khan an kamanga, an rênghai ten lua an irthat zoi tâka.

DANIELA 2:38

khasikin kho hmuna khom mihriam nâihai omna murdia, ramsa le vatêhai ten khom ni kuta a pêka, an rênga laia roirêl hrangin a pêk chu ni nia: rângachak lu chu nangma hi ni ni.

DANIELA 4:22

o inlaltak, nangma ni nia; nir sôna, ni hrâta, ni roiinpuina chu a’rzata, irvân dênin, ni roirêlna chu kôlkil dên a nia.

DANIELA 4:30

rêngin, “Hi Babulon inlalna hi keima hrâtna ngêtin rêng omna hmun hrang le ki roiinpui satna hranga ki isiam mo ni ma?” tiin a hrila.

DÂN INHNINA 28:37

Rengpa nangni indartirna rama khan a hmu ka kai khan nin chunga thil tung kha a’rkhêl ti an ta, nangni hnuaisia an ta, nuiza siamna’n nangni hmang an ti.