JEREMIA 51:22 - PATHIAN LEKHABU IRTHIANG C.L. Bible (BSI)

²² pasalhai le nupanghai that hrangin, tarhai le vânglaihai nôi hrangin, ruathartehai le dôngmatehai that hrangin,

JEREMIA 51:22 ပူးပေါင်းရင်းမြစ်များ

2 THURCHI SUINA 36:17

Rengpa’n anni soisak hrangin Babulon rêng a hong hruaia, rêngin Judai rama ruathartehai chu tempil sûnga khom a that phiarhaia. Ulian le nâipang lêk loiin, nupang pasal, hrisêl le sêl loi dênin ite inrenna boiin. Pathianin a kuta a ipêk ving a ni.

ISAIA 13:15

An ihmu murdi invithai an ta, an ichel theihai chu khandai leh thathai an ti.

ISAIA 13:16

An nâitesenhai an mithmuin vîk that pehai an ta, an inhai khom ram zoi a ta, an dôngmahai siatpui pehai an ti.

ISAIA 13:18

An thal chôihai leh ruathartehai kâp thathai an ta, nâitesen inrenna nei no nihai, nâipang inrenna hlek khat khom nei mahai.

ISAIA 20:4

Hiang hin Assuria rêngin Aigupta mi an ichelhai le Ethiopia mi sala hranga an ihruaihai, nâipang khom ulian khom, koronga kekok lua bun loiin an pin irlangin sehai a ti. Aigupta ram chu mualinphoi ok hrang a ni.

JEREMIA 44:7

“Khaangin atûn hin keima Rengpa Itinrêngthothei, Israelhai Pathianin nin ta hrangin, i lo hranga khaanga thil saloi kha nin itho ti hi nangni ki irdon a ni. Pasalhai, nupanghai, nâipanghai le nâitehai chunga siat chitna intung nin ni, tûte hôi loia an iom hrang hi nin inuam ma ni?

JEREMIA 50:37

A sakorhai chu tâlihai chunga khandai a oma, nam dang sipai a hruaihai chunga khom an irzal zoi tâka! A’rchonhai insiat unglân, inru unglân, râllâk thilhai la roi.

JEREMIA 51:23

belrapuhai le belrahai that zuak hrangin, âlkaituhai le hruaituhai nôi hrangin,” a tia.

JEREMIA 6:11

Rengpa’n an chunga ni ninginmurna chu keima khom a ni kâng saa, ki ituang zoi loi a ni ta. Khanchu, Rengpa’n ki kuang, Ki ninginmurna chu nâipang kholâi chaihai laia le ruatharte irbukkhômhai laia insum ki ta, pasal le nupanghai hruaiin om an ta, a tarhai khom lêkhai no ni.

CHAP HLA 2:11

Ki mitrithi suak hraina sikin, ite infel ma ung, Ki mihai dongtum kin sâpin kin renhai sabaka. Ki milung a siat sabak a ni. Nâipang le nâitesenhai khom kholaidunga ruak irtet dûlin an oma.

CHAP HLA 2:21

Kholaidunga nâipang le tarhai thi omhai, ruathar dôngma khandaia thi, lungkhamna nei viat loi hi a irsam loi moh.

EZEKIELA 9:6

Putarhai, ruatharhai, dôngmatehai, nâipangtehai, nupanghai chu that fâi zit ro; aniachu mi a michala irsinsiana om chu inzôk unglân; ki tempil rengata mi thatna irphût roi,” tiin. Khanchu biak in sûnga om upahai chu an that irphut tâka.

DÂN INHNINA 32:25

Tuala khandai tong an ta, in sûnga khom thil irkhêltak tak, dôngmate ruatharte, vânglai that an ta, nâipang khom tar khom hôi no nihai.

1 SAMUELA 15:3

Amalek-hai doi hrangin fe’n lân, an thil nei murdi hôi viat loiin thathai ving ro, nupang pasal, nâi irhnu nêk laihai, sechalhai, kêlbelrahai, saringseihai, sakuartunghai; a iti a ni,” a tia.