JEREMIA 51:2 - PATHIAN LEKHABU IRTHIANG C.L. Bible (BSI)

² Phâivua’n fapôl a isêm inlêng anga khan, Babulon ram insiatchit hrang ram dang mihai tîr ki ti. Kha irhmang ni sûn kha a phâkin chu, kil tina irthokin doi an ta, ram chu a korongin om a ti.

JEREMIA 51:2 ပူးပေါင်းရင်းမြစ်များ

ISAIA 41:16

Zâp ni ta vuang inlêng a ta, kêllaiherin sêm irhmang zoi a ti. Rengpaa khan lôm ni ta, Israel mi irthianghai chu chôiindômin om an ti.

ISAIA 43:14

Nangma irtantu Israel mi irthiang, Rengpa’n hiang hin a ti: “Nangnihai sikin Babulon doi hrang mi tîr ki ta, an kul kalnahai chu suk insiat pehai ki ta, Kaldaihai chu chap khub khub an ti.

JEREMIA 15:7

Ram sûnga kho tina khan fapôl angin nangni ki insâp a ni. Ki mihai nangni ki that irhmanga, nin sual lampuihai kha nin mâk no sikin, nin mihai chu ki ithathai a ni.

JEREMIA 50:29

Khan Rengpa’n, “Babulon doi hrangin inhril roi. Mi tukhom thal hmang dân inhriat tâk kai chu tîrsuak roi. Khopui kha irhual khak unglân, tûte inzôk no roi. A thil thohai kha thuan nôk unglân, mi a ilôhai lam takin thohai roi, Israel mi irthiang ki chunga irpâkna’n a tho sikin.

JEREMIA 50:32

Ni nam irpâkna chu irthîn a ta, inrîl a ti, tûte an dingtir nôk hrangin nang san no nihai. Ni khopui chu hâl ki ta, a kôlvêla om murdi kânghai ving a ti,” a tia.

EZEKIELA 5:12

Hmun thuma sena hmun khat chu hriin mani, châmin mani, nin laia mi thi an ta; hmun thuma sena hmun khat chu ni vêla khandaiin thi an ti; hmun thuma sena hmun khat dang chu thekindarhai zit ki ti, khandaiin irzûlhai thiai ki ti.

MATHAIA 3:12

Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.