JEREMIA 51:15 - PATHIAN LEKHABU IRTHIANG C.L. Bible (BSI)

¹⁵ Rengpa’n a sinthotheina leh irnêng a siama, a vârna’n rammual an ngîrtira, an hriatna leh irvân a kaiinphar a ni.

JEREMIA 51:15 ပူးပေါင်းရင်းမြစ်များ

JOBA 9:8

A bingin irvân khom khi a kaiphar theia, tuipui irsok chunga kalchôi chu.

INPÂKNA HLAHAI 104:2

Nangma’n chu vâr kha puan angin nir bela; Irvânhai khi puan in chung angin ni kaiphara:

INPÂKNA HLAHAI 104:24

O Rengpa, ni sinthohai chu a tam bâka! Vârna’n ni ni isiam zit a ni: Irnêng hi ni mihriam siamhaiin an isip a ni.

INPÂKNA HLAHAI 107:25

Ama khan thu a pêka, phâivopui an thotira, Kha khan a tui irsônhai kha a’rsângtir ngai.

INPÂKNA HLAHAI 136:5

A vârnaa khan irvânhai khi a siama; A lungkham lianna chu kumkhua’n om a ti;

THUVÂRHAI 3:19

Rengpaa khan vârnain irnêng a siama; inhriatna’n irvân khi a om hmuna a isia a ni.

ISAIA 40:22

Hi hih chu kôlkil irhual sûnga om a ni. A sûnga omhai hi chu ama ta hrangin chu kutpâr sûnga om ang a ni. Puanzâr angin irvân khi an phara, omna hrang puan in a isung ang hin.

ISAIA 40:26

Irvân tiang khin nin mit inlêngtir unglân, nin ihmuhai khi tu isiam mo an ini? Sipai rualhai anga hruaisuak ngaitu, ar hminga koi thei vingtu isiam ving an ni; thil a thothei hraia, ite irhmang ngai mah.

ISAIA 42:5

Pathian, irvân siamtu le kaiinphartu hin, Irnêng le a sûnga om indingtirtu, hringna phûk le irtha pe theitu, Rengpa’n hiang hin a ti:

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

ISAIA 45:12

Keima hih ki ni, irnêng siamtu chu, A sûnga om mihriamhai hi ki isiam an ni. Keima kutin irvân khom khi ki kaiphara, Thil om murdihai khi, keima ircham taka om an ni.

ISAIA 48:13

Irnêng irnghatna, ki kuta ki isiam a ni, Ki kut chang tiang irvân khi ki kaiphara, ki hong koia, an lei iom ngai a ni.

ISAIA 51:13

Irvân kaiphar theia, irnêng irnghatna phûm theitu, nangni siamtu Pathian hi nin irnghil ma ni ta? Dengintheitirtu ningmurna le an siat tumtuhai chi di dîpa nin iom mai hi? An ningmurna chu tuang zoi no chin ni.

JEREMIA 27:5

“Ki sin thotheina irkhêl tak le ki’rtha hrâtna’n rammual mihriam le irnênga mihriam murdi ki siama; ki mi inthang kuang ki pêk ngai.

JEREMIA 32:17

“Rengpa pathian, ni thuneina lian tak le ni hrâtna’n irnêng le irvân ni isiam a nia; nangma hrangin chu thil intak zel om maka.

ZAKARIA 12:1

Hi hi Israel chungthua Rengpa rengata thu suak chu a ni, Rengpa irvânhai kaiinzara, irnêng inding suaka, mihriamhai kuanga hringna petu’n hiang hin a tia:

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

TÎRTÔNHAI SINTHO 17:24

Pathian, rammual le a sûnga thil tinrêng siamtu chu, irnêng le irvân Rengpa a ni sikin kuta sin inhaia om ngai mah.

ROM KHUAA MIHAI KUANGA TÎRTÔN PAULA LEKHATHON 1:20

A nina, mita hmu thei loi, a kumtuang sinthotheina le a Pathianzia kha rammual siam irphut ata a thil siamhai chu fel taka hmu theiin an langa. Irphilna hrang zel nei mahai.

ROM KHUAA MIHAI KUANGA TÎRTÔN PAULA LEKHATHON 11:33

Pathian irchongzia, a vârna le an hriatna kha an thûk bâka! A roirêl lam khom inhriat phâk loi zât, a lampuihai kha sui suak thei zât a ni no bâka!

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.