JEREMIA 51:13 - PATHIAN LEKHABU IRTHIANG C.L. Bible (BSI)

¹³ Kha rama khan ivadung tamtak le sum le puan a inei ok a nia, a zoro a hekin, a hringna hrui chu insatin a om tâk.

JEREMIA 51:13 ပူးပေါင်းရင်းမြစ်များ

IRPHUTNA 6:13

Khanchu Pathianin Nova kuang khan, “Taksa murdi hek hrang nikhua chu ki kuang a om ta, annihai sikin irnêng chung hi hnarsana’n a sipa, khasikin irnêng chung hi ki insiatpai hrang tâk kêng, a tia.

INPÂKNA HLAHAI 137:1

Babulon vakamhaia kin toia; Kha khan kin chap ngaia, Zion kin ngaitua’n.

ISAIA 43:14

Nangma irtantu Israel mi irthiang, Rengpa’n hiang hin a ti: “Nangnihai sikin Babulon doi hrang mi tîr ki ta, an kul kalnahai chu suk insiat pehai ki ta, Kaldaihai chu chap khub khub an ti.

ISAIA 45:3

Irchon inthimna laia an ihrêhai khom, Hmun irthupa sum an ihrêhai nang pepai ki ti. Ni’rhminga nang koitu hin, Rengpa, Israelhai Pathian ki nih ti inhre thei ta ni ti.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

JEREMIA 17:11

Dik loi taka sum hlo suaktu chu varungte ama irtui ni loi, op inkhêitu ang a ni. A la vânglai takin ar chongnahai dok a ta, A mongna chu invêt ti no chu a ihlo hrang dang om mah.

JEREMIA 50:27

Sipaihai chu that ving unglân, irchan paihai roi! Babulon ram mihai chung chu intak pehai a ti, anni dûk tho zoro a hong tung tâk sikin,” a tia.

JEREMIA 50:31

“Babulon ram, nang chu irpâkna sip ni nia, khasika khan keima Rengpa Itinrêngthothei, Pathianin nang ki idoi a ni. Dûk nang tho zoro a hong itung a ni ta.

JEREMIA 50:37

A sakorhai chu tâlihai chunga khandai a oma, nam dang sipai a hruaihai chunga khom an irzal zoi tâka! A’rchonhai insiat unglân, inru unglân, râllâk thilhai la roi.

JEREMIA 51:36

Khaangin Rengpa’n Jerusalem mihai kuang a iti a ni, “Nin thubuai hi ngaitua ki ta, nin râlhai chu nin chunga an sintho kha intuamtirhai ki ti. Babulon rama tuihnârhai inchâr ki ta, ivadunghai inkangtir pehai ki ti.

CHAP HLA 4:18

Râlhai lakin kin hnung an ni’rzûl maia kholaidunga khom chai ngam ma ung, kin irhmang zoi hrang a ni, kin zoro a hek tâka, kin ithi zoi hrang ni a ti.

DANIELA 5:26

Khan a hrilfiana khom hi hi a ni; Mene ti chu nin lal zoro hrang ten a’rsinsiaa, a inmongtir hrang tihna a ni;

AMOSA 8:2

Khan, ama’n, “Amosa, imo ni ihmu?” a tia. Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia.

1 PETERA toc2 1 PETERA 4:7

Thil tinrêng mongna zoro chu anai tâka, nin chongchai theina hrangin lungrîl irfîm tak irputin irvong infel roi.

2 PETERA toc2 2 PETERA 2:3

Sum an hmu theina hrangin huatirham takin an thu phuachôp khan bepârna hrangin nangni an hmanga; khannisianlân, tiana an chunga roirêl sai tâk chu om chian chian no ni, anni irhmangtirtu hrang kha a ihar chian tâk a ni.

THUPHUANG 17:1

Berbu sari chôi vântîrtôn sarihai laia inkhat kha a honga, a ni hong chongpuia. “Hong ta, tui tamtak chunga toi, notizuar irhming inthang tak chunga hremna om hrang kha nang irhmutir ki ti.

THUPHUANG 17:15

Kha vântîrtôn ngîr khan ki kuang, Notizuarnu toina tui tamtak ni ihmu kha mihai, mipuihai, Jentail hai, le chong dang dang hai an ni.

THUPHUANG 18:19

An lua bâli an phula, beidongin an châa, “Kho roiinpui ar chongna sika tuikhanglian irkuang neihai khom lei irchong sa thei! A chung a rik! A chung a rik! Dârkâr khat sûngin te ar hmang zit lam tâk hi,” tiin an khêka.