JEREMIA 50:8 - PATHIAN LEKHABU IRTHIANG C.L. Bible (BSI)

⁸ “Israel mihaio, Babulon ram ata rot roi! ram kha masan ta roi! A mâk masa tiang chang roi!

JEREMIA 50:8 ပူးပေါင်းရင်းမြစ်များ

THUVÂRHAI 30:31

Kêlchal, ui sathei le rênghai an mipuihai makunga lôn hi a ni.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

ISAIA 52:11

Suak roi, suak roi, Babulon hi suaksan roi; thil porinchehai hi inthem viat no roi, Rengpa timmatua pêlhaio, irthial irthiang unglân, suaksan roi.

JEREMIA 51:45

Israel mihai khataka irthokin rot ta roi! Nin hringna inzôk hrangin ki ningmur irkhêl tak ata hi rot roi.

JEREMIA 51:6

Babulon ram ata rot ta roi! Nin hringna inzôk hrangin intân ta roi! Babulon ram sualna sikin thatin om no roi. Ki phuba ki lâkin ar hoi lam takin dûk tho ki ti.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

NAMBAR 16:26

Khanchu mipuihai kuang, “Hi mi sualhai puan in rengata hi suak unglân, a bingin om roi, an thil neihai khom hi tôn no roi, khano’nchu an sualnahai sikin nangni khom irhmang sa nin ti,” tiin a hrila.

2 KORINTH 6:17

Khasikin, “Anni laia irthokin hong suak unglân, A bingin om roi, Thil porinche rêng rêng tôn no roi, Rengpa’n a ti. Khanchu, nangni pom ki ti.

THUPHUANG 18:4

Khanchu, irvâna irthokin hnukirhai dangin, “Hong suak roi, ki mihai! Kha nu kuang ata kha hong suak roi! A sualnahaia nin ikop viat hrang ni mah! A hremnahai hi nin tuang sa loina hrangin.