JEREMIA 50:26 - PATHIAN LEKHABU IRTHIANG C.L. Bible (BSI)

²⁶ Kil tina irthokin doi unglân, a bu siana hmunhai kha inhong unglân! Râllâk thilhai chu bupông angin inpông unglân; ram kha insiatchit roi, ite zel hôi no roi!

JEREMIA 50:26 ပူးပေါင်းရင်းမြစ်များ

ISAIA 14:23

“Phît insiat ving ki ta, sarku omna hmun le dialdôkin siam ki ti,” Itinrêng Rengpa thu suakin a ti.

JEREMIA 50:10

Babulon ram chu inmokin om a ta, an moktuhaiin an inunuam la an ti. Keima Rengpa’n ki iti a ni,” a tia.

ISAIA 45:3

Irchon inthimna laia an ihrêhai khom, Hmun irthupa sum an ihrêhai nang pepai ki ti. Ni’rhminga nang koitu hin, Rengpa, Israelhai Pathian ki nih ti inhre thei ta ni ti.

THUPHUANG 19:15

A bâia irthokin khandai ngaihtak a hong suaka, ama khan nam tin inhnê a ti. Thîr khianghrolin an chunga roirêl a ta, Pathian Itinrêngthothei ningmur inrikna grep sômna khura khan sirpha a ti.

THUPHUANG 14:19

Khaang khan, vântîrtôn khan a kôite kha irnênga a vaia, irnênga grep ra kha a âta, Pathian ningmurna grep sômna khurpuia khan a thun tâka.

MIKA 7:10

Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.

JEREMIA 51:64

Babulon chu hiang hin ngîm a ta, thoi ta no ni. A chunga Rengpa’n siatchitna an tungtir hrang sikin,” tiin insîr roh. Jeremia thu’nsîrhai chu hi hin a imong a ni ta.

JEREMIA 51:44

Babulon rama pathian bêl chu dûk tho ki ta, a inlem tâk kha inluak suak nôk ki ta, namhaiin chubai mûk ta no nihai. “Babulon kulbanghai chu a chim tâka.

JEREMIA 50:41

Mi hmâr tiang rama irthokin an zuanga, nam hrât tak ram hlataka irthokin; rêng tamtak irdoina hmuna fe hrangin an irsiam ta.

JEREMIA 50:23

Babulon ramin rammual pumpui hi sekchôi leh a suk chita, atûn chu kha sekchôi kha a siat tâk! Kha ram chunga thil tung kha nam tinin an ilôi a ni.

JEREMIA 50:15

Khopui irhualin irdoi hrangin tânginsam roi. Babulon chu ar pêk tâka, a kulbang chu a koi tâka, a ichim a ni ta. Babulon-hai chunga phuba ki ilâk a ni. Khaangin an chunga hin phuba la unglân, mi danghai an isoisak lam ang takin anni khom soisakhai roi.

JEREMIA 50:13

Ki ningmurna sikin Babulon-a tûte om ta no nihaia; inramin masan ni a ta, a theng inlôihaiin inlâiin an irngai irkhêl a ti.

ISAIA 25:10

Rengpa’n Zion tâng hi saninzôk a ta, Moab chu fapon êk khura an ipai ang hin chîlin pai a ti.

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

ISAIA 5:26

Rengpa’n ram hlataka omhai hrang, irsinsiana a târ suaka, kôlkil dêna mi ikoi irhâiin a koia, irhnot takin a hong ta so.

MATHAIA 6:26

Chunglêng vahai khi en u ta, bu tû mahaia, ât mahai, fasiara inlût ual mahai, khannisian, nin Pa irvâna mi’n an fâhaia; anni nêkin chu nin ihlu ual loi ma ni?