JEREMIA 50:21 - PATHIAN LEKHABU IRTHIANG C.L. Bible (BSI)

²¹ Khan Rengpa’n, “Merathaim ram le a mihai le Pekod-ah omhai chu doi roi. Thathai unglân, irhmangtirhai roi. Thu nangni ki ipêk ang tak hin tho roi. Keima Rengpa’n ki iti tâk a ni.

JEREMIA 50:21 ပူးပေါင်းရင်းမြစ်များ

EZEKIELA 23:23

Babulon mi murdihai le Kaldai mi murdihai, Pekod mihai, Shoa le Koa mihai le Assuria mi murdihai chu zuang tuanghai ki ti. Kha ruatharte milianhai le, hruaitu hmêlsahai hruaitu poimohai le sakor chungchuang hruaitu ulianhai kha bûmhai ki ti.

JEREMIA 50:15

Khopui irhualin irdoi hrangin tânginsam roi. Babulon chu ar pêk tâka, a kulbang chu a koi tâka, a ichim a ni ta. Babulon-hai chunga phuba ki ilâk a ni. Khaangin an chunga hin phuba la unglân, mi danghai an isoisak lam ang takin anni khom soisakhai roi.

JEREMIA 50:9

Hmâr tianga nam hrâthai senkhat inthorhai ki ta, anni chu Babulon ram ki indoitir hrang a ni. A doi hrangin irtâng an ta, an irûn hrang a ni. Râl doi thei tak an nia, an thal kâphai khan tok loiin om ngai mah.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

JEREMIA 48:10

Lungrîl murdi neia, Rengpa sintho loi mi chu khomâksâmin om ri se. A khandai irlek loia that loi mi chu khomâksâmin om ri se.

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

ISAIA 48:14

Hor buk ving unglân, irngai roi, tu takin moh hi thil hi lei hril ngai? Rengpa lungthungpu’n Babulon mi’n a nuam lam tak zuang tho a ti, Kaldai mihai chunga a kut thâk a ti.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

2 THURCHI SUINA 36:23

“Hi hi Persia rêng Kura thupêk chu a ni. Rengpa, irvân Pathianin rammual pumpuia roirêltu mi a siamhaia. Judai ram le Jerusalema hrang tempil sin hrangin a ni tia. Khasikin, Pathian mihaio, nin rêngin kha khan fe roi, nin Pathian Rengpa’n nangni ompui ri se,” tiin.

2 RÊNGHAI 18:25

Nin ram kin hong rûna, ki ilâk hi Rengpa thu a ini loi ma ni? Ama Rengpa ngêtin, hong rûnin lân, la ving ro; a ni iti a ni,” a tia.

2 SAMUELA 16:11

Davida khan Abisaia le a mi lianhai murdi kuang khan, “Irngai ta roi, ki nâipa, ki rîla ra ngêtin, ni that a itum a ni; khasikin hi Benjamina len vâng hin chu a itum irkhêl ual hrang a ni. Khasikin ite lôhai no roi, khomâk kha ni sâm ri sehai; Rengpa’n khomâk a ni isâm a ni.

1 SAMUELA 15:3

Amalek-hai doi hrangin fe’n lân, an thil nei murdi hôi viat loiin thathai ving ro, nupang pasal, nâi irhnu nêk laihai, sechalhai, kêlbelrahai, saringseihai, sakuartunghai; a iti a ni,” a tia.

DÂN INHNINA 33:27

Kumtuang Pathian kha nangni enkoltu a ni, a bân hrât khan nangni a sûnghuala, nin makunga râl an hnotsuaka, “Inboipai zit roi,” a ti.

ISAIA 48:15

Keima’n ki lei ihril sai a ni, ki ikoi a ni, ki hong hruaia, a itho hrang chu irnghil ki ti.