JEREMIA 50:2 - PATHIAN LEKHABU IRTHIANG C.L. Bible (BSI)

² “Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

JEREMIA 50:2 ပူးပေါင်းရင်းမြစ်များ

INPÂKNA HLAHAI 64:9

Khanchu, mi murdi’n chi an ta; Pathian sintho chu hril an ti, A sintho chu vâr takin ngaitua an ti.

INPÂKNA HLAHAI 96:3

Nam tin laia a roiinpuizia hril unglân, Mi tinrênghai laia a sinirkhêl thohai kha hril roi.

INPÂKNA HLAHAI 97:7

Millim siamhai sinthotu murdi chu mualinphoiin om ri se, Millimhai songtuhai chu: Nangni pathian murdihaio, ama chubai mûk roi.

ISAIA 12:4

Kha ni khan chu hiang hin ti ta nin ti: Rengpa inpâk unglân, ar hming chôiindôm roi, A sintho chu a mihai hril unglân, A’rhming inthang lam hi inpuang roi.

ISAIA 13:2

Tâng irsângna hmuna irsinsiana târ unglân, sipaihai koisamhai unglân, kho lârirpâk tak kul mikot chu doi hrangin nin kut leh inthem roi.

ISAIA 21:9

Sakor chungchuang a bopa honghai, an hong tung thuta! “Babulon khua a siat ta, a siat ta. An millim pathianhai an irtantir pehai rem rum ta,” râl hrungtu’n a ti.

ISAIA 37:19

An pathianhai meia an hâl pehaia, annihai kha pathian ni ual mahai, mihriamhaiin thing le lunga an isiam pa pai an ni, khasikin a siat thei chu an ni ving.

ISAIA 39:1

Kha lai khan Balada’n nâipa Merodak-baladana, Babulon rêngin Hezekia damloi a dam nôk tah ti thu an hriatin chu thilpêk le lekha a hong thona,

ISAIA 46:1

Babulon-hai ibiak pathian Bela le Nebo chu, an sôlin ite châng thei ta mahai: Sakuartunghai an inpêltirhaia, sa sôl tâkhai hrang khomin rik tak an ni.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

ISAIA 48:6

Ama hi nin hmua, nin inhriat ta, A dik ti mak chêi mo? Atûn ata thil thar nangni inhril ta ki ti, nin inhriat loi thilhai chu.

JEREMIA 10:11

Nangma’n anni chu hiang hin ni inhril ngêt hrang a ni; irnêng le irvân siamtu ni loi, pathianhai chu insiat ni an ta, hi irnêng chunga hin kho hmuna khom hmu ni ta no ni.

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

JEREMIA 31:10

O namhaio, Rengpa thu hi irngai roi, tuikhanglian kôla ram hlatakhai khom hrilhai roi, Israel indartirtu khan hruaikhômhai nôk a ta, belrapu angin anni chu enkolhai a ti, tiin.

JEREMIA 4:16

Namhai inhrilhai unglân, Jerusalema inpuang roi. Ram hlatak ata irhual hrangin an honga, Juda ram khopuihai rûn hrangin an ikhêk a ni.

JEREMIA 4:6

Zion enin irsinsiana târ roi! Zôk hrangin intân unglân, ir-ial ta no roi! Rengpa’n vânduaina irkhêl tak hmâr tiang ata irhmang vingna irkhêl tak a hong itung hrang kêng!

JEREMIA 46:14

“Aigupta ram khopuihai Migdol, Nof, Tahfanes-ah inpuang ro: mâni irhrung hrangin irtûng chian ta roi; nin inei murdi irdoina khan insiatchit ni a ti.

JEREMIA 50:46

Babulon an rîl tika chu, irhâi irkhêl tak om a ta, irnêng pumpui inhnîng a ta, chitnain khêk irhâi chu nam danghaiin inhria an ti,” a tia.

JEREMIA 51:12

Babulon kulbang inset hrangin inhriatna pe suak ta roi. A hrungtu intamtirhai ualin lân, enirchiktu sehai ro! a len ruang hrang mi se roi!” an tia. Rengpa’n Babulon ram mihai chunga tho hrang a iti chu a itho zoi hrang a ni.

JEREMIA 51:27

“Irdoi hrangin inhriattirna pe roi! Namhaiin an inhriat theina hrangin bekul tum roi! Babulon ram ta hrangin namhai chu irvôtir unglân, Ararat, Mini le Askenaza ramhai, ama doi hrangin inhrilhai roi. A doi hranga hruaitu’n mi bê unglân, khâi puang anga tamin sakor bûmhai roi.

JEREMIA 51:31

A khopui chu kil tina a chim tâk ti Babulon rama rêng hril hrangin thurchi chôitu an fe mai tâka.

JEREMIA 51:44

Babulon rama pathian bêl chu dûk tho ki ta, a inlem tâk kha inluak suak nôk ki ta, namhaiin chubai mûk ta no nihai. “Babulon kulbanghai chu a chim tâka.

JEREMIA 51:47

Khaangin Babulon ram millim dûk ki itho hrang zoro a hong itung thiai a ni. A ram pumpui hmâimôkna sin ni a ta, a mihai chu that ni ving an ti.

JEREMIA 51:52

Khasikin ki iti a ni, Babulon millimhai dûk ki itho hrang zoro chu a hong itung thiai a ni ta. A ram pumpuiin a pophai chu inrung vung an ta;

JEREMIA 51:8

Babulon ram chu irhnot takin an rîla, a isiat tâk a ni. Ama chu châ ta roi! A sâbehai hrangin hloi zong pe unglân, a la dam khom a ni thei.

JEREMIA 52:31

Juda rêng Jehoiakina chu kum sômthum sari, tha sômhleihni, kha tha sûn sôminhni sûn ringa nî taka khan Evil-merodaka chu Babulon rama inlal ar phuta. Juda rêng Jehoakina chu intângna ina irthokin an sua tâka.

JEREMIA 6:18

Khasika khan Rengpa’n a iti a ni, “Namhaio, irngaitua roi, ki mihai chunga thil zuang tung hrang hi len hre roi.

DANIELA 1:2

Khan Rengpa’n Juda rêng Jehoiakima chu a kuta a pêka; Pathian ina bungrua senkhathai le; khanchu ama khan Sinar rama Pathian ina a fepuia; bungruahai chu Pathian ina a hong siaa.

DANIELA 3:14

Nebukadnezara’n an kuang, “O Sadraka, Mesaka le Abednego, ki pathian sintho loia, ki rângachak millim siam hi chubai mûk loi nin itum ma ni?

ZEFANIA 2:11

An chunga khan Rengpa kha ichiom tak ni a ta; irnêng chunga pathianhai murdi kha a inboipai hrang a nia; kha khan mihriamhai khan ama kha biak ta an ta, mi tinin mâni hmun seng ata chubai mûk an ti.

THUPHUANG 18:2

Ama khan hnukirhai inring takin, “Babulon kho roiinpui an rîl ta! an rîl ta! Ramilhlihai omna le irtha porinche hai, va porinche tinrêng chêng inbualna a hong ni ta.