JEREMIA 50:19 - PATHIAN LEKHABU IRTHIANG C.L. Bible (BSI)

¹⁹ Israel mihai chu an ram ngêta inomtirhai ki ta, Karmel tâng le Basan vêla an fâk invânghai nêk an ti.

JEREMIA 50:19 ပူးပေါင်းရင်းမြစ်များ

MIKA 7:14

Karmel tâng kâra ramhnuaia beidong taka om, nir chon dong belra pâl, ni mihai kha ni hêmvuak hmangin infa’n lân: tianlai ang khan Basan le Gilead infa’n om ri sehai.

JEREMIA 31:6

Râl hrungtuhaiin Efraima tânga mi an koisam nî tung a ti, “Tho Rengpa ei Pathian kuang, Zion-a fe ta ei ti,” tiin.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

EZEKIELA 38:8

Kum tamtak zoia ama chu ram inkhat, kha rama omhai kha nam tamtakhai lai ata hruaisuak an nia, irdoina rêng rêng chi ngai loia om an ni, khahai kha irdoitir ki ta. Khanchu Israel tânghai, kha ten sûnga mâksana lei ramchita omhai, khannisian atûn chu lungthi taka mihai omna so doi sa an ti.

EZEKIELA 36:33

Khan Rengpa Pathianin hiang hin a tia, “Nin sual murdihai ata nangni ki’rthiangtir tena chu nin khopuihaia khan, nangni inomtir nôk ki ta, nin kho ram lei chang tâkhai kha indingtir nôk ki ti.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

EZEKIELA 11:17

Khasikin Rengpa’n hiang hin a tia, “Nam danghai ata chu nangni hruaikhôm nôk ki ta, inthekindara nin omna ramhai ata nangni koikhôm nôk ki ti, Israel ram chu nangni pêk ki ti.

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.

JEREMIA 31:14

Ochaihai chu bu tui tak leh vâihai ki ta, ki mihai chu ki satna khan khop sa an tih ti hi Rengpa thu suak a ni.

JEREMIA 30:18

Rengpa’n hiang hin a ti, “Irngai ro, Jakoba-hai ram chu inding inthar nôk ki ta, a omna hmun chu irngaiirsâng ki ta, khopui lei ram tâk kha siam insa nôk ki ti. Reng inhai khom a hmun ngêta inding nôk a ti.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 3:18

Kha nî khan chu Israel le Juda irzomna ata hmâr tianga sal intângna ram ata hongin an idongtum dettak ni hrangin nin irchibulhai ki ipêkna rama hong kîr an ti,” tiin.

ISAIA 35:2

Rama pâr sahai angin pâr suak an ta, râifân takin zâi an ti, Lebanon tâng angin roiinpui a ti. Karmel le Saron phâi angin enhoi a ti. Rengpa roiinpuina chu hmu an ta, kin Pathian satnahai le.

ISAIA 33:9

Ram chu a’rzalin a iram zoi a ni ta. Lebanon rampui a ngûi zoi tâka, Saron phâi khan ramchâr angin a om ta, Basan le Karmel tânga thing hnâ a chil zoi ta.

HLAHAI HLA 6:5

Ni mithai leh khan ni en no ro, Suak anga omin a ni’rhmutir ngai sikin, ni samhai chu Gilead tâng panga kêl rual chum angin an chânga.

JOSUA 17:15

Josua’n, “Nin tam oka ni’n chu, Efraima tâng ram hi a chîn viata ni’n chu, Periz le Refaim-hai omna rampuihai hi tukdarh unglân, irthial infâi roi,” a tia.

NAMBAR 32:1

Reubena le Gada irchihaiin a sate’n ram an nei intôma; khan Jazer ram le Gilead ram an hmu’n chu, kha hmun kha sa vâina hmun satak a lei nia.

JEREMIA 30:7

Kha ni sûn kha irkhêl tak ni a ti! Khaang kha om thei no ni, Jakoba chardong zoro hrang chu a ni, khannisian sansuak ni a ti,” tiin.

JEREMIA 46:27

Ki mihai chi viat roi, Israel mihai nin thâiindôptir no roi. Ram hlataka irthokin, mi intânghai nin inina rama irthokin nangni sansua ki ti. In tiang hong nôk nin ta, irtharngam takin om nin ta; zôkriam nin ta, tûte’n irtha’nvâiin nangni sia ta no nihai.

JEREMIA 50:6

“Ki mihai chu belra enkoltuhaiin a binga an insuaa chaninvâi ang a ni. Belrahai angin tâng inkhat ata tâng danga irthonin, an in omna an irnghil ngai a ni.

EZEKIELA 47:18

“Khan nisua tianga ramri chu Damaska le Hauran ramkâr ata kha sim tiang panin a fea, Jordan dung kha Israel le Gilead ramria omin Israel chu nitâk tiang a oma, Gilead chu nisua tiang a oma; khanchu tuipui thia Tamar hmun a va suna.

ZAKARIA 10:10

Aigupta le Assuria ramhai rengata khom hruai khômhai ki ta, an rama inomtirhai ki ti. Gilead le Lebanon-ah khom inomtirhai sa ki ta; ram murdi chu mihriamin la sip an ti.

NAMBAR 32:4

Khan, ni sinthotuhai hin sa kin neia, khasikin irngaihoi takin hi ram hi kin irchon hrangin ni pêkin lân, Jordan râl nin kâitirin, so taka son nin omtir no ro,” an tia.

EZRA 2:1

Judai rama mi sala hruai, Babulon rêng Nebukadnezara’n a ihruai, Jerusalem le Judai rama kîrhai, mi tin mâni khua tianga kîr nôkhai chu hihai hi an ni.