JEREMIA 50:14 - PATHIAN LEKHABU IRTHIANG C.L. Bible (BSI)

¹⁴ “Thal kâp mihai, Babulon doi hrangin irtâng unglân irhual roi. Rengpa’n keima chunga a tho’nsual sikin nin thalhai leh khan Babulon kâp roi.

JEREMIA 50:14 ပူးပေါင်းရင်းမြစ်များ

2 SAMUELA 10:9

Khaangin an maton tiang le an hnung tiang râlhai khan an hong idoi hrang a nih iti Joaba’n an hriatin Israel sipaihai laia mi hrât le sa an thanghaia, Suria mihai doi hrangin omhmun an lei siama.

INPÂKNA HLAHAI 51:4

Ni chunga, ni chung vaia thil ki tho’nsuala, Ni mithmua thil ki lei tho’nsual tâka: Thu nin sîrin thiam ni chang theia, Roi ni rêlin sêlnaboi ni ni theina hrangin.

ISAIA 13:4

Tânga irhâi omhai khi irngai roi, ram tin ata nam tinrêng honghai, irhâi a ni duah; itinrêng Rengpa’n a sipai râl doi hranga a ibukhai a ni.

ISAIA 5:28

An thalhai chu a’rzum insa pehai, an thal ngul khom irfûk saiin an chôia; an sakor ke mitinhai khom ngaih tak a ni, an tâli kehai khom kêllaiher angin a’rhêl dût dûta.

JEREMIA 46:9

Sakorhai fe hrangin thu pe ki ta, sakor tâlia fe hrangin. Sipaihai tîr suak ki ta; Sudan le Libia rama irthokin mihai pho chôiin, Libia rama irthokin thal kâp theihai chu,” a tia.

JEREMIA 49:14

Khan keiin, “Edom, chongbe Rengpa kuanga irthokin ki ihmu a ni. Nam tinhaiin an sipaihai bûma, nang doi hrangin palai an itîr a ni.

JEREMIA 49:35

A iti chu, “Elam sinthothei taka siamtu, thal kâp mihai chu ki ithat hrang a ni.

JEREMIA 50:11

Khan Rengpa’n, “Babulon rama mihai, ki nam nin insiata, lômna le râifânna’n nin sipa, sepui buchîl angin le sakor inhrâm angin nin irvêl thût thûta.

JEREMIA 50:29

Khan Rengpa’n, “Babulon doi hrangin inhril roi. Mi tukhom thal hmang dân inhriat tâk kai chu tîrsuak roi. Khopui kha irhual khak unglân, tûte inzôk no roi. A thil thohai kha thuan nôk unglân, mi a ilôhai lam takin thohai roi, Israel mi irthiang ki chunga irpâkna’n a tho sikin.

JEREMIA 50:42

An thalhai le khandaihai chôia; nunter le khonzâna nei loi an ni. An irhâi chu tuipui irsok irhâi inring ang kha a nia, an sakorhai chunga an hong chuang lai khan Babulon ram doi hrangin an irsiam diam tâk a ni.

JEREMIA 50:7

An rêngin anni chu an idoihai a ni. An râlhaiin, Rengpa chunga an tho’nchâia, ei thil tho hin ite a sualna om mah. An irchibulhaiin Rengpa chunga an irnghat ngita, anni khomin, ‘ama ta hrangin iamomin an iom hrang kêng a ini,’ an tia.

JEREMIA 50:9

Hmâr tianga nam hrâthai senkhat inthorhai ki ta, anni chu Babulon ram ki indoitir hrang a ni. A doi hrangin irtâng an ta, an irûn hrang a ni. Râl doi thei tak an nia, an thal kâphai khan tok loiin om ngai mah.

JEREMIA 51:2

Phâivua’n fapôl a isêm inlêng anga khan, Babulon ram insiatchit hrang ram dang mihai tîr ki ti. Kha irhmang ni sûn kha a phâkin chu, kil tina irthokin doi an ta, ram chu a korongin om a ti.

JEREMIA 51:27

“Irdoi hrangin inhriattirna pe roi! Namhaiin an inhriat theina hrangin bekul tum roi! Babulon ram ta hrangin namhai chu irvôtir unglân, Ararat, Mini le Askenaza ramhai, ama doi hrangin inhrilhai roi. A doi hranga hruaitu’n mi bê unglân, khâi puang anga tamin sakor bûmhai roi.

JEREMIA 51:3

A sipaihai kha an thal kâpna zoro pehai no roi, an thîr songkol khom innghâk irman no ri sehai. Ruathartehai khom hôihai no unglân, sipai pâl thatpaihai ving roi!

HABAKUKA 2:17

Lebanon chunga irmanêpna le, Ramsahai chunga insiatna, anni inchitirna khan, Ram le khopui le a sûnga omhai chunga leh, Mihriamhai thisen le thil lei tho tâk murdi sika khan, Nang chu nang a ikhum hrang a ni.

HABAKUKA 2:8

Nam tamtak ni longhai tâk sikin, Nam danghai khomin nang long an ti. mihriam thisen le ram le khopui le a sûnga lênghai chunga, Mihriam thisen le irmanêpna thil lei tho tâk murdi sika khan, nang khom chia la omsunhai khan nang insiat sa an ti.

THUPHUANG 17:5

A michala khan irhming, a omzia irthup, “Babulon kho roiinpui, irnênga notizuarhai le thil intiromhai nu,” iti irziak a oma.

1 SAMUELA 17:20

Davida chu zînga âr khuangin a thoia, kêlbelrahai kha mi dang a len enkoltirhaia, Jesaia iti pe lam angin fâk zâthai kha a chôia, a fe tâka. Israel sipaihai kha irdoina hmuna fe hrangin an irthok lai takin le an lei khêk sup lai takin, an riakbuk kha a va tunga.