JEREMIA 5:7 - PATHIAN LEKHABU IRTHIANG C.L. Bible (BSI)

⁷ Rengpa’n irdoina a siama, “I lo hrangin mo ki mihai sualna kin inzâhai hrang? Anni mâk raka pathian dang dik loihai chubai an mûk tâk sikin, ki mihai chu an khop mâka kin fâhaia, Khannisian an uire zoi tâka. Notizuarin an zoro an hmang inhek ta.

JEREMIA 5:7 ပူးပေါင်းရင်းမြစ်များ

2 THURCHI SUINA 13:9

Rengpa ochaihai le Levi irchihai kha nin inhnot dokhaia, nam danghai tho dân angin ochai hrang nin inkunghaia. Sehrâtchal hong kaihai chu kêlbelra sari mani, hong hôlhai kai chu, kin ochai tiin nin lei hmang nuamhai ngaia.

JOBA 31:12

Hianga sual kha chu kâng irhmang thei ving ang ni a ti. Ki inei murdi kâng zit a ti.

INPÂKNA HLAHAI 50:18

Inru ni hmu’n a sa ni tipuia, Uirepahai lak nir hloppui sa ngaia.

JEREMIA 12:16

Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

JEREMIA 13:27

Thil a inuam loi ni tho ngaihai kha nang a hmu ving, mi’n a tualbôm dôngma a irzuk ngai le sakorchalin a pui a izui ngai angin, sonong pathianhai tânga le phâia ni izui ngai nang a ihmu a ni. Jerusalem mihaio, nin chungthu an tak a ni ta! Itik tena irthiang ngai zât mo nin ini tâk?

JEREMIA 16:11

hiang hin hrilhai ro, ‘Rengpa’n a ti, nin pahaiin hnung an ni songsana, pathian danghai leh chongin an sin an tho pehaia, an ni’rnghila, ki dânhai an izôm loi a ni.

JEREMIA 16:20

Mihriamin Pathian a isiam thei hrang ma ni? Thei no ni, a theia ni’n chu, Pathian diktak an ini loi hrang a ni,” ti an ti.

JEREMIA 2:11

Ama chu a tak lei ni khomsian, nam dangin chu an pathianhai thûl ngai mahai, ki mihaiin chu anni roiinpuia inomtirtu Pathian chu, anni ta hrang ite tho theiloi pathianhai khan an ithûl ngai a ni.

JEREMIA 2:31

Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

JEREMIA 23:10

Ram chu Rengpa ta hranga iamom loi mihaiin an sipa; pualoi hringnunhai hmangin an irchamneina an ihmang insual a ni. Rengpa khosâlna sikin ram chu a ngûia, sûl hringna hmunhai a châr zoi tâk.

JEREMIA 3:19

Rengpa’n a tia, “Israel ram milung chuk om, rammual pumpui sûnga ram hoitak nang pe hrangin, ki nâi hrangin nang ki inuam a nia, ‘Ka pa,’ tiin a ni koia. Ki kuanga irthokin a dang tiang tehelzong ta loi hrangin, Nang ki inuam a ni.

JEREMIA 3:8

Kha Juda khom khan notizuar a chang tâk sika khan Israel kha ki mâka, ki irzûl dân kha a hmua. Khan, Israel zuarpuinu iamom loi Juda khan ki zui ngai chu ti maka. Ama kha notizuarin ar siama,

JEREMIA 7:9

Inrû nin thoa, tual nin thata, nin uirea, khomâkirsâmin minlak nin thoa, Baal kuang irbôlna nin inhlana, nin laia inhriat ngai loi pathianhai chubai nin mûk ngai.

JEREMIA 9:1

Ki lu hi tuikuang ni sian, ki mitrithi hi tuipût ni ri se, ti ki inuam chu! Ki mi thata omhai hrangin, a sûn a zân ki ichap hrang a ni.

JEREMIA 9:2

Khual inzinhai hrang ramchâra tungna hrang tûngin om sianlân, ki mihai marakin kha khan om ki ta. An rêngin uire an nia, iamom loi pâl an ni.

CHAP HLA 3:42

“Thil saloi thoin ei rotsana, nangin ni ngaidam mak che.

EZEKIELA 22:11

Senkhat uire an oma, senkhat an moi siatpui an oma, senkhat an far inchanghai chunga sinsiat tho khom an oma.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 4:2

Khomâksâm, irhuang, irthat, inrûk, uire uarhai a punga, thisen kha thisenin a zui mai.

HOSEA 7:4

An rêngin uire an nia, bai siamtu’n irtap a ur inluma, baidi a inhmet inpok a thoi inranga, meisom a lei irngamsan ang hi an ni.

LEVI DÂN 20:10

A Israel chanpui dôngma uirepuitu chu a nupang leh khan that hrang an ni.

AMOSA 8:14

Pathian irlim sâla khomâksâma, ‘O Dan, ni Pathian a hring angin,’ le Beerseba fena lampui a ihring mai angin, tihai kha, khaang mihai khom kha chu irtet an ti, thoi nôk viat no nihai, tiin.

ZEFANIA 1:5

In chung sîpa irvân tiang thilhai kuanga kûn ngaihai, Rengpa kuang khomâksâma Malkama sâla insam saa kûn ngaihai,

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

1 KORINTH 6:9

Mi felloihaiin Pathian Ram lua no nihai ti nin inhriat loi ma ni? Ihuangin om no roi; irdit songhai, millim biakhai, uirehai, hurhai, mongkohurhai,

1 KORINTH 8:4

Khaang khan, millim biakna thil fâk chungchânga chu: rammuala millim rêng rêng hi ite an ini loizia le Pathian inkhat vai a om tih chu ei inhriat.

GALATIA 4:8

Tianlai khan Pathian lan hre ngai mak chêia, khasikin an irzir dân reng khoma Pathian ni ngai loihai suaka nin om ngai kha.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.

HEBRAI toc2 HEBRAI 13:4

Inneina hi mi murdi’n an inhlut hrang a ni, ompui sangram khomin an iamom irhlôm hrang a ni. Irdithai le uirehai chu Pathianin rêl a ti.

JAKOBA toc2 JAKOBA 4:4

Iamna boihaio! Rammual rual irchangpui hi Pathian râl nina a nih ti nin inhriat no ma ni? Rammual rual ni hi a nuam murdi’n chu Pathian râla a irsiam a ni.

JOSUA 23:7

Nin laia nam dang la om leh hin irpôl no roi; an pathianhai hi koi no roi, an irhming sâmin chong inkung no roi, chubai mûkin an makunga kûn viat no roi.