JEREMIA 5:6 - PATHIAN LEKHABU IRTHIANG C.L. Bible (BSI)

⁶ Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

JEREMIA 5:6 ပူးပေါင်းရင်းမြစ်များ

2 THURCHI SUINA 36:14

Juda ulianhai, ochaihai le mipuihai lakin an kôlvêla nam sualhai omdân lâkin, Rengpa irthiangtir sai tempil chu millim biakin an innimtira.

EZRA 10:10

Khan ochai Ezra chu a ngîra, an laia, “Thil nin lei tho inchâi tâk sikin, Israel mihai thei loina belsa’n nam dang nupanghai dôngma’n nin neia.

EZRA 9:6

“O ki Pathian, nangma tianga hor hei hi kin zaka, ki hmâi a isen hlut hlut ngai a ni, ki Pathian, kin inchâinahai chu ni delpha thei rakin a punga, kin thei loinahai hin irvân a suna.

JOBA 10:16

Lei irngaisâng inlân, nangin kâmkeibaknei ilôi angin ni lôi ni ta, ki chunga irkhêl takin ni nin entira.

INPÂKNA HLAHAI 104:20

Nangma’n inthim ni siama, zân a hong nia; Kha zoroa khan ramsa chi tinrêng an lêng suak ngai.

INPÂKNA HLAHAI 80:13

Ramhnuaia sangal chu an siata, Ramsahai khomin an fâk ngai.

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 59:12

Ni makunga chu kin pualoinahai hi irthup thei ni mah: Kin sualnahaiin mual an phoia, kin pualoina chu kin inhriat maia, kin inchâinahai khom irnghil ma ung.

JEREMIA 14:7

Ki mihai keima tiang an khêka, ‘Kin sualna’n mualphoi ni sak khomsian, Rengpa ni chonginkung angin ni changpui ro, voi tamtak ni kuang ata kin rot tâka. Ni chunga kin isual a ni ta.

JEREMIA 2:15

Kâmkeibaknei angin an inhrâm khuma; A ram chu ramchârin an siama, a khopui khom a lua hrang boiin a ram zoi tâk.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 2:31

Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

JEREMIA 25:38

Rengpa’n a mihai chu kâmkeibaknei, a khur mâk angin, masan a ta; irdoina sikin ichiomnahai le Rengpa ningmur irkhêl khan ram sa kha ramchâr an changtir ta.

JEREMIA 30:14

Nangma tianga om ngaihaiin nang an irnghil tâka. Nang insâp ta mahai. Râl angin ni pop zoi tâka, inren viat loiin nang ki ihrem a ni. Ni sualna le nin sininsiatna a na hrai sikin.

JEREMIA 30:15

Ni popna hin imo ni ichiar? Ni natna hi indam lik zât ni ma; ni dik loina a tama, thil tamtak ni tho insual sikin. Hi thil hi ni chunga ki itho a ni.

JEREMIA 30:24

a thiltumhai a tunga, a tho zoi mâka chu Rengpa ningmur irkhêl tak chu hek no ni, zoro hnunga chu hihai hi la hong inhre suak nin ti.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

JEREMIA 49:19

Kâmkeibaknei rampui sêt tak ata Jordan dung hong zui sûlhringna hmuna hong angin hong a ta, Edom mihai chu an ram ata inrang takin irzûlpaihai ki ti. Khanchu hruaitu ki inthang khan nam chunga khan roirêl a ti. Keima le irkhi thei tu mo om? Tu mo ni doi ngam hrang? Tu roirêltu mo ni doi thei hrang?

JEREMIA 8:5

Khaang khan a ni ngânin te, o ki mihai itho mo hong kîr ta loiin hnung nin ni isongsan mai tâk hi? Nin millim nin intûk mai tâka, keima tiang hong kîr nuam ta mak chêia.

JEREMIA 8:7

Tuichir le ivahai khomin kîr zoro an inhriata, vasuhai, pelôihai, le sâlvahaiin irthon zoro an inhriata. Khannisian ki mihaiin chu nangni rêlna hranga ki dânhai nin irnghil a ni.

CHAP HLA 1:5

An râlhai kha hruaitu nitna an changa, An ir-iam a ni ta, A sual hrai sikin Rengpa’n deng a intheihai a ni. An râlhaiin a nâinuhai suaka an hruaihaia.

EZEKIELA 16:25

Lampui lian tina hmun inlârhai chu ni siama, ni satna chu intiromnaa ni siama, mi a hong murdi kuanga ni râi a fâna, ni hurna chu nin langtir ual tâka.

EZEKIELA 22:27

Sorkâr roirêltuhai khom chu inê, an sa fâk irchu irthêr ang an ni. Irchongna irzûlin mi an thathai ngai.

EZEKIELA 23:19

Aigupta rama dôngmate ni ni laia notizuara ni iom ang khan, ni notizuarna chu a luakinter uala.

DANIELA 7:4

Inkhatna kha chu kâmkeibaknei ang a nia, irmu mitha a neia, a mitha pharin, irnêng ata a phara, mihriam anga ke inhnia ngîr theiin siam a nia, mihriam lungrîl irput angin ki en chiana.

DANIELA 7:6

Kha irzoiin chu ki ena, irngai ro, a dang kâmkeite anga om a hnung tiang va mitha nei minli angin a oma, ama hin lu khom minli a neia, a kuanga khan roirêlna pêk a nia.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

HABAKUKA 1:8

An sakorhai khom kâmkeite nêkin an chaninrang uala, khohloi tianga inêhai nêk khomin ichi an om ual; An sakor chung chuanghai kha an hong chum thiar thiara: A ni, an sakor chung chuanghai kha hlatak ata hong an ni; Irmupui âr chel hrang angin an zuang hrâta.

ZEFANIA 3:3

A sûnga a hruaituhai kha kâmkeibaknei inrûm lai an nia; a roirêltuhai kha khohloi tianga ine an nia; a tûk dêna insoi hrang ite hôi mahai.

NAMBAR 32:14

Khanchu irngai roi, Israelhai chunga Rengpa ninginmurna ichiom tak chu bôk pe sain nangni irchi pualoihai hin nin puhai hmun chu nin luapai tâka.

THUPHUANG 13:2

Sahrâng ki ihmu kha keiârsi a anga, a kehai chu savom ke a anga, a bâi chu kâmkeibaknei bâi a ang. Dragonin sahrâng kuang khan a sintho theina le a rêngtoihmun le ar chamneina liantak kha a pêk.