JEREMIA 5:3 - PATHIAN LEKHABU IRTHIANG C.L. Bible (BSI)

³ A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 5:3 ပူးပေါင်းရင်းမြစ်များ

JEREMIA 7:28

An kuang, “Hi nam hi Rengpa an Pathian irhâi irngaitua laia, sepna dong loi nam an ni hi,” ti ni ta, thudik ar hmang ta, an bâi ata paiirhmang a ni ta. Iamomna chu a boi tâka, sâmin om ta ngai mah.

JEREMIA 2:30

Nangni ki sepa, ar fêna reng om maka, nangni siam insa khom phal mak chêia. Kâmkeibaknei ningmur angin nin deipuhai khandai leh nin thathaia.

ZEFANIA 3:7

Nangin ni chi photin lân, halirchûna hi lei pomin lân; khanchu ama chungchânga ki inkung murdihai ang khan a omna kha inboipai pat ni no nia, ki tia. Khannisian zînga an thoia, an thiltho murdi an tho’nchâi zit tâka.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

2 THURCHI SUINA 16:9

Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.

ISAIA 42:25

A ningmurna chu a chunga an sum pehaia, Irdoina irkhêltak an tuang ta. Israel chunga ningmurna chu ar al tâka, an kâng innahaia, inhre mahaia, ite uksak nuam viat loiin an oma.

HEBRAI toc2 HEBRAI 12:9

Ei taksa tianga pahai thua khom an ni sep, mahrip ei tho ngai. Ei irtha tianga Pa len vâng chu ei hringna hrangin ar cham chamin ei iom a nang a ni.

ROM KHUAA MIHAI KUANGA TÎRTÔN PAULA LEKHATHON 2:2

Khaanga tho mihai kha chu Pathianin thiam no an changtirin chu, a itho indik a nih ti ei inhriat;

EZEKIELA 24:13

O Jerusalem ni sintho porinchehai khan irthiang loia nang a isia a ni hi. Nang irthiangtir ki lei tum nâka chu, irthiang loiin ni la om maia. Khasikin, ki ningmurna hi ni tuang mâka chu irthiangin om nôk ta no chi ni.

JEREMIA 32:19

Nang chu roirêlna satakhai nir fûkin thil roiinpuihai ni tho ngaia, mihai sintho hi ni hmu vinga, an sintho lam takin lômman ni pêk ngai.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

ISAIA 48:4

Nin tukul a liana, nin ring chu thîr anga ngar a ni. Nin michal laka thîr irbun anga ngar a ni.

THUVÂRHAI 27:22

Intô chu thi vâng vângin zêm khomin lân, an tona chu zêm inboi pe thei no chi ni.

THUVÂRHAI 23:35

“An ni zêma, khannisian ite lak inhre ta ma ung. Itho mo ki ihar thei viat loi? La in nôk mai ki inang kêng” ti nih ti.

THUVÂRHAI 22:12

Rengpa mit khan inhriatna nei mi chu a vong insa ngaia, vârirletnahai thu chu a pai zit ngai.

THUVÂRHAI 21:29

Mi pualoihai chu a sa anga inlang hi an theitôk a nia, mi felhai rêk chu an lampui an rêl infel ngai.

INPÂKNA HLAHAI 51:6

Irngai ta, sûngrîl tianghai hin takna ni nuam ngaia: Khanchu inlang loina tiang hin vârna nin hretir ni ti.

2 THURCHI SUINA 28:22

A sân a charindong lai tak khomin Ahaza chu Rengpa ata a sual uala.

LEVI DÂN 26:23

“Hi hremna nin tong hnung khoma ki tiang nin irhei noa, nin ni doi maiin chu,

2 RÊNGHAI 1:13

Rengin sipai le hruaitu dang sômringa sipai a tîrhai nôka. Tânga a hong luia, Elija hmâikunga a khûksadela, “O Pathian mi, kei le ki sipaihai hi lung nin khamin lân, kin hringna hi ni hôi pe roh.

JEREMIA 8:5

Khaang khan a ni ngânin te, o ki mihai itho mo hong kîr ta loiin hnung nin ni isongsan mai tâk hi? Nin millim nin intûk mai tâka, keima tiang hong kîr nuam ta mak chêia.

EZEKIELA 2:4

An nâihai khom inmôl tak le tukullian an ni. An kuang nang ki itîr a ni. Rengpa pathianin hiang hin a ti, ni va iti hrang a ni.

DANIELA 9:13

Mosia dâna irziak angin hi thil saloi murdihai hi kin chunga a hong itung a ni; khannisian kin dik loinahai mâksanin, ni thudik inhriat theina kin nei theina hrangin Rengpa kin Pathian milung chukna zong loiin.

AMOSA 4:6

Khan, kei khomin nin khopui murdihai châmna le nin hmun murdihaia irsamna nangni ki pêka; kha tena khom ki kuang hong kîr mak chêia, Rengpa thu suak khan a ti.

IRPHUTNA 19:34

Khanchu zîng nôka chu a unu’n, a sangnu kuang khan, “Irngai ro, mizân zân khan ei pa ki zâlpuia, a vuan zân khom uain in intir ei ta; nangma lûtin lân, ei pa irchi pung hrangin va zâlpui ro,” a tia.

1 RÊNGHAI 13:33

Israel rêng Jeroboama’n a nunchan sualna ata irlet nuam loiin, mi narânhai lai ata a maichâm siam ata sinthopui hrang deipu tharhai a siamhaia. Deipu chang nuam murdi’n hmun irsânga sintho hrangin a tihaia.

INPÂKNA HLAHAI 51:8

Raifânna le lômna chu mikuarin nin hretirin lân; Ni ru inkhiakhai hi a râi a fân theina hrangin.

INPÂKNA HLAHAI 55:20

Ama le irngeihai chunga khan a kut an leka: A thuthung chu an siat tâka.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

JEREMIA 3:3

Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

JEREMIA 15:7

Ram sûnga kho tina khan fapôl angin nangni ki insâp a ni. Ki mihai nangni ki that irhmanga, nin sual lampuihai kha nin mâk no sikin, nin mihai chu ki ithathai a ni.

JEREMIA 17:23

An irchibulhai khan ki thu le’rngai mahaia, an lei irngaisak loi a ni. An tukul an inliantira; ki thupêk zômin mo, keima kuang irchu nuam mahai.

JEREMIA 44:10

A vuan sûn ten hin nin la irhnuai nuam loi hi. Ni chôiirsâng nuam mak chêia, nangni le nin irchibulhai dân ki ipêk murdi zôm mak chêia.

AMOSA 4:8

Khanchu, khopui inhni mani, inthum mani kha khopui inkhata tui in hrangin an irvâka, khop mahaia: kha khom khan ki kuang hong kîr mak chêi, Rengpa thu suak khan a ti.

AMOSA 4:9

Chârkhohroina le duichûtna’n nangni ki hrema: nin irhuanhai, nin grep irhuan hai, nin theipui kung hai, nin oliv thinghai murdi kha thing irnge irlungin a fâk zit tâk a ni: kha khom khan ki kuang hong kîr mak chêi, Rengpa thu suak khan a ti.

AMOSA 4:10

Aigupta ram angin nangni laia hripui ki tîra: Khandaiin nin ruathartehai kha ki that tâka, nin sakorhai ki hruai irhmang tâk a ni; khan, nin sipai hmun mirimsia kha nin hnâra innam rak dôrin nangni kin omtira: kha tena khom khan ki kuang hong kîr mak chêi, Rengpa thu suak khan a ti.

AMOSA 4:11

Sodom le Gomora khua kha Pathianin an chimtir lai angin, nin laia mi senkhat kin chimtira, thing kâng sabak loi lâksuak ang nin ni: kha tena khom khan ki kuang hong kîr mak chêi, Rengpa thu suak khan a ti.