JEREMIA 5:24 - PATHIAN LEKHABU IRTHIANG C.L. Bible (BSI)

²⁴ Ni chôiirsâng hrangin ngaitua ngai mak chêia, rua masa le rua hnungkhônhai nangni ki pêka, a kum tin chîmu tharhai nangni ki pêk ngai khomin.

JEREMIA 5:24 ပူးပေါင်းရင်းမြစ်များ

IRPHUTNA 8:22

Irnêng om sûng chu bu’nrît le bu âtin, kholum le khodâi, phalbi le kholum, sûn le zânhai, khom boi no ni,” a tia.

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

JOBA 29:23

Ruatho masatak an inghâk angin, an ni inghâk a ni, Rua hnungkhôn an izong angin an inhriat nuam a ni.

JOBA 38:37

Tu mo sûm bukkhôm theia, tep thei hranga vârna nei?

JOBA 5:10

Irnênga rua inthotirin, loihai khom tui a pêk ngaia.

INPÂKNA HLAHAI 147:8

Ama khan irvân khi sûm ar hlîtira; Tânghaia khan hloisûl an môngtir ngai.

INPÂKNA HLAHAI 65:9

Irnêng hi ni kana, tuiin nin fâa; A saterengin nin satira; Pathian vadung chu tuiin a sipa: Irnêng hi khaanga ni sinsiam zoiin chu an ta hrangin bu ni siam pehai ngai.

ISAIA 64:7

Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

JEREMIA 10:13

A thupêkin irvâna tuihai chu irsok dûm dûmin; Kôlkung ata sûm a hong ichôi ngai a ni. Rotho kâra kôlirtêk a oma, a siana hmuna phâivua a tho ngai.

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 3:3

Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

JEREMIA 5:22

Keima hi Rengpa chu ki ni, itho mo nin ni ichi loi? Ki makunga hin nin inthing loi hrang mo? Tuipui idîl phâk ten indangna hrangin chiaiphoi ki siama, a ikhêl thei loi hrang ramri det chu. Tuipui irsok khomsian, khêl thei no nia, tuiirsok khomin pha thei no ni.

JEREMIA 50:5

Zion panna lampui irdon an ta, kha tiang pan an ti. Keima leh kumtuang thuthung siam an ta, siat ta no ni.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

JOELA 2:23

Nangni, Zion nâihaio, lôm roi, Rengpa nin Pathiana khan raiinfân roi: rotui masa kha a ruk bakin nangni a pêka, nin ta hrangin rua an thotira, tha khatnaa rua masa le rua hnungkhôn kha.

AMOSA 4:7

Khan, bu ât hrang zoro tha thum a la ni laiin nin chunga rotho hrang khom ki khapa; khopui inkhat chunga kin thotirin, khopui dang chunga inthotir ma ung: hmun khat chunga kin thotir ngaia, a tho no hmun kha a châr ngaia.

ZAKARIA 10:1

Khua a kangin Rengpa kuang rotui zong roi. Sûmphâihai le rotuihai chu Rengpa zuang itîr a nia, loihai chu mi tin ta hrangin hring zon zonin a siama.

MATHAIA 5:45

nin Pa irvâna mi nâihai nin ni theina hrangin; Ama’n chu mi sualhai le mi sahai chunga misa an suaktira, sin sa sinhai le sin saloi sinhai chunga khom rua an thotir ngai.

TÎRTÔNHAI SINTHO 14:17

Khannisianlân, ama inhriattirna omin thil sa nangni tho pe’n an lang ngêt ngai. Irvân ata rua le chîmuhai a zoro taka nangni a pêk ngaia; fa hrang le nin lungrîla lômna nangni a pêk ngai,” an tia.

DÂN INHNINA 28:12

Rengpa khan a’rchon kok ata a zoro taka rua zuang inthotir a ta, nam tin nin thil sat nangni vur a ta, nam tin nin thilhai nei inpûktir nin ta, an thil chu nin ipûk nang no ni.

JAKOBA toc2 JAKOBA 5:7

Khanchu, urênghaio, Rengpa zuang mâka chu diar takin om roi. Loi neitu’n a loi ata ra inlût hrang a inghâk dân hi en roi; rua masa le rua hnungkhôn a nghâk mai mai ngai a ni.

THUPHUANG 11:6

Khahai khan Pathian thu an insîr sûng chu rua tholoi hranga irvân khâr theina irtha an neia, tui, thisen, inchang theina irtha an nei sa, khabana rammual hi an nuam dôr dengintheina tinrênga dengintheitir theina irtha an nei sa a ni.