JEREMIA 5:21 - PATHIAN LEKHABU IRTHIANG C.L. Bible (BSI)

²¹ Nangni mi’ntohai le inhriatthiamna nei loihai, hi hi irngai roi, mit neia hmu thei loi, mikuar nei chaka inhre thei loihai.

JEREMIA 5:21 ပူးပေါင်းရင်းမြစ်များ

INPÂKNA HLAHAI 94:8

Mi laia mi môlhaio, irngaitua roi: Mi’nvêthaio, itika mo nin ivâr hrang tâk?

THUVÂRHAI 17:16

Intô thiamna neina hranga sum inthâm hi ite ar fêna om ma, mânia inhriatna a nei no sikin.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 43:8

Mit nei chaka mitchô le, mikuar nei chaka, kuarsêthai chu hong bukhai roi.

ISAIA 44:18

Annihai anga mihai kha chu an inmôl hrai ta, ite inhre loi an ni; an ihmuhai an chia, an mit an insîng ngaia, an inhriat thei loina hrangin lungrîl pe ngai mahai.

JEREMIA 10:8

An rêngin an invêtin an into a ni, thing millima irthokin imo an irchu thei hrang?

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

JEREMIA 5:20

Rengpa’n a ti, “Jakoba irchihai chu hrilhai unglân, Juda mipuihai chu hrilhai roi.

JEREMIA 5:4

Khanchu keima’n, “Hi mihai hi inmôl le inriang an nia, Into changin sin an thoa; an pathianin a iphâkhai, Rengpa’n imo an itho hranga a inuam ti an inhriat loi a ni.

JEREMIA 6:10

Keima’n, “An kuang ti pehai khom inlân, tu mo a ni irngai pe rêk hranga? Tukullian le ni thu chu irngai nuam loi an nia, hril pehai hranga ni nih iti hi an minui vai a inza pehai a ni.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

JEREMIA 8:7

Tuichir le ivahai khomin kîr zoro an inhriata, vasuhai, pelôihai, le sâlvahaiin irthon zoro an inhriata. Khannisian ki mihaiin chu nangni rêlna hranga ki dânhai nin irnghil a ni.

EZEKIELA 12:2

“Mihriam nâipa, mi tehelzong insûngkua, hmûna hranga mit neia hmu loihai, inhriatna hranga mikuar neia inhriat loihai laia om ni ni, mi tehelzong in sûngkua an lei ni ngaia.

HOSEA 7:11

Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

ZAKARIA 7:11

Khannisian mihaiin chu an tukullian insua’n, irngai nuam loiin an oma; an milunghai khâr khapin,

MARKA 4:12

‘En enin hmu infel no nihaia, Irngai irngaiin ar fêna lam chang inhre no nihai, khano’nchu, hong irhei an ta, ngaidam nina an ti; ti ang kha a ni theina hrangin,’” a tia.

MARKA 8:18

Mit nei chakin ithoa mo mit boi anga nin iom? Mikuar nei chakin ithoa mo mikuar boi anga nin iom? Nin inhriat ta loi ma ni?

JOHANA 12:40

“Pathianin an mit an chotir pehaia, An milung an ngartir sa, An mitin an hmu nona hrang le an milungin an inhriat thei nona hrangin. Khanchu, hong kîr nôk an ta, Anni kha ki lei indamhai itinin,” a iti ang khan.

TÎRTÔNHAI SINTHO 28:26

‘Hi chihai laia hin fe’n lân, van sîr roh, Irngai, irngai nin ta, a’rngaina lam chang inhre no chin ni. Hmu chian chian nin ta, hmu’nfel no chin ni.

ROM KHUAA MIHAI KUANGA TÎRTÔN PAULA LEKHATHON 1:20

A nina, mita hmu thei loi, a kumtuang sinthotheina le a Pathianzia kha rammual siam irphut ata a thil siamhai chu fel taka hmu theiin an langa. Irphilna hrang zel nei mahai.

ROM KHUAA MIHAI KUANGA TÎRTÔN PAULA LEKHATHON 11:8

“Pathianin a vuan tena hin lungrîl inmusu irtha a pêka, mit hmu thei loi le beng inhre thei loi le ile,” ti irziak ang khan.

DÂN INHNINA 29:3

Hri ichiomtak takhai, thil irkhêltak takhai le thil roiinpuitak tak a ithohai kha nin hmua.

DÂN INHNINA 29:4

A vuan ten nin thil hmuhai kha a’rngaina lam chang inhre mak chêia, a omzia tak lan hre mak chêi.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.