JEREMIA 5:17 - PATHIAN LEKHABU IRTHIANG C.L. Bible (BSI)

¹⁷ Nin chîmuhai le nin buhai fâkin ne ving an ti, nin nâipasalhai le nupanghai that an ti. Nin kêlbelra le sehrâthai khom thathai an ta, nin grep kung le theipui kunghai insiat zoi an ti. Nin irnghatna kul nei khopuihai chu an sipaihaiin insiat an ti.

JEREMIA 5:17 ပူးပေါင်းရင်းမြစ်များ

ISAIA 62:8

Rengpa’n a kut chang tiang kher pharin thu an kunga, A bân irnak hrâtin tho ngêt a ti. Ni buhai chu nin râlhai nêk phal no ninga. Nin isinna ra uainhai khom, nam danghai in zoi hrang phal ta no ning.

ISAIA 62:9

A âttuhai ngêtin bu chu nêk ta an ta, Rengpa inpâk pumin, grep ra irhmaltuhaiin, kin irthiang tiin kholâia in an ti.

ISAIA 65:22

An in sin chu mi danghai lua hrang ni no nia, an grep phun khom mi danghai hrang ni no ni, ki mihai chu thingkung angin dam insôt an ta, ki inthanghaiin an sinthôna ra chu, tar kûn dênin fa mai an ti.

JEREMIA 1:15

hmâr tianga nam tinhaiin hitaka hong hrangin ki koi sikin. An rênghai hong an ta, Jerusalem kotbâihai le kul bang irhualin an rêngtoihmunhai dong an ta, Judai ram khopui danghai khom hual sa an ti.

JEREMIA 25:37

A ningmurin Rengpa’n ni nam le ram hoitaka omhai kha inramin insiat an ni sikin, lungzîngin khêk suak ta roi.

JEREMIA 4:26

Ram hoi le satak khom a châr zoi tâka; A khopuihai chu Rengpa ningmur irkhêl tak sika khan a ram zoi tâka.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

JEREMIA 5:18

Rengpa’n a ti, “Kha nikhuahai khan ki mihai irhmangtirhai no ning,

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

JEREMIA 50:7

An rêngin anni chu an idoihai a ni. An râlhaiin, Rengpa chunga an tho’nchâia, ei thil tho hin ite a sualna om mah. An irchibulhaiin Rengpa chunga an irnghat ngita, anni khomin, ‘ama ta hrangin iamomin an iom hrang kêng a ini,’ an tia.

JEREMIA 8:13

“Mi’n chîmu a ibukkhôm angin, ki mihai khom ki buk nuama; khan grep hrui ra boi angin, theipui ra boi, a hnâ khom thêm tâk angin nin oma, khasikin ram dang mihaiin ram hi an ilâk ki iphal a ni.

JEREMIA 8:16

Ei râlhai chu Dan khopuia an oma, an sakorhai hnârkhông irhâi khom ei inhriat a ni. A ram pumpui chu sakor inhrâm chiin an inthing a ni. Ei râlhaiin ei ram le a sûnga thil tinrêng ei khopuihai le a mihriamhai siatna hrangin an ihong a ni.

CHAP HLA 2:12

Phîngchâm le tuihrâlin an nuhai kôla an chapa; natna tuang angin an irleta, an nuhai mal chunga an thia.

CHAP HLA 2:2

Rengpa’n ite indîn loiin, Judai ram khuahai chu an siatpaia, A ningmurin an irkulna banghai khom chim zoiin a om ta. An ram le an ulianhai khom a’rzaltirhai zoi ta.

EZEKIELA 36:4

kei Rengpa Pathian hin nangni mual le tânghai, ivadung le irhôrhai nangni khoram mâksana omhai le khopui longindara mâksana omhai, a kôlvêla nam murdihai hmusita omhai hi nangni ki hril.

HOSEA 2:12

A grep hrui le a theipui kung, hi hi ki irditpuihai ni ipêk ki ihlo kha a ni, A ichitna ngai kha inramtir ki ti: Ram hnuaia siam ki ta, ram sahaiin fa an ti.

HOSEA 8:14

Israel khan a siamtu a’rnghil paia, in roiinpuihai a sina; Juda khan khopui kulhai an pungtira, khannisian a khopuihaia khan mei tîr ki ta, a in roiinpuihai kâng zoi a ti.

JOELA 2:3

An maton tiang le hnung tiang kha a kâng fâi thiaia; an hmabâk ram kha Eden irhuan ang ni khomsian, an khêl hnung chu ramchâr ram chârkhohroi a ni thiaia, ite hôi nei mahai.

LEVI DÂN 26:16

hiang hin nangni hrem ki ti: chamairakin nangni inomtir ki ta, inkhurpui, dam thei loi hri irvei nin ta, nin mit dolde suak a ta, hring suakpui no chin ni.

ZEFANIA 3:6

Namhai kha kin boipaia, an kulhai ten khom kha a ram chit tâka; an kholai dunghai kha kin siatpai zita, tukhomin hro ta mahai; an khopuihai kha insiatin a oma, khanchu mi om ta mahaia, a luatu khom om ta mahai.

MALAKIA 1:4

Edom-hai khan, “Inhnê’n ei om nâkin, kîr nôk ei ta, hmun siat takhai kha siam insa ei ta”, tihai sian khom; Sipaihai Rengpa khan hiang hin a ti, “Sin an ta chu kai inrîl ki ti: khan, mihai khan anni kha, ‘Siatzoina ram le kumkhuaa an chunga Rengpa ninginmurna chian chian nam,’ ti an tih.

DÂN INHNINA 28:33

Sôl taka nin itho suak kha nin inhriat ngai loi nam dangin nangni hong lapai pe an ta; kha nin dengintheina le opbêna no chu ite hlo no chin ni.