JEREMIA 49:24 - PATHIAN LEKHABU IRTHIANG C.L. Bible (BSI)

²⁴ Damaska mipuihai chu irzalin chiin laizâm an tho tâka. Nupang nâiha isê angin na tuang le lungrîl buaiin an iom a ni.

JEREMIA 49:24 ပူးပေါင်းရင်းမြစ်များ

MATHAIA 24:8

Khahai kha nâiha sê ar phut ta tihna a ni.

ISAIA 13:8

Irtha’nvâiin intakna tuang an ti, nâiha ise angin inhrûm an ti; an ichina an hmuin chu irzakpui irhlôm an ti.

JEREMIA 6:24

Jerusalem mihaiin, “Thuthang kha kin len hriatin chu kin kuthai a kima, nupang nâiha isê angin lungzîngna le natna’n a ni idê tâk a ni.

JEREMIA 50:43

Babulon rama rêngin an thurchi a len hriata, a kuthai chu a’rzal zoi tâka. Lungzîngna’n a dea, nupang nâiha isê angin natna khan a chela.

IRPHUTNA 3:16

Nupangnu kuang khan, “Ni dengtheina le ni nâi vongna kha a saterengin nang inpungtir pe ki ta; intak takin nâi nei ngai ni ta; khannisianlân ni nuamlam chu ni pasal tiang ni a ta, ama khan ni chunga ircham nei ngai a ti,” a tia.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 30:6

Thîrin irdonhai hi roi, pasalin nâiha an irvei ngai mo? Itina mo nupang nâiha isê angin, pasal ni pumin a pum ar dom lika, a hmêl a idang zoi tâk hi?

JEREMIA 48:41

khopuihai le kulhai chu lâk ni a ta, kha nikhuaa khan chu Moab sipaihai chu nupang nâiha isea chardong angin om an ti.

JEREMIA 49:22

Bozra chu râlhaiin irmu a mitha phar puma a inbôhai angin, an idoi hrang a ni. Kha nikhuaa khan Edom sipaihai chu nupang nâiha isê irtha’nvâi ang hin om a ti,” a tia.

JEREMIA 49:29

An puan inhai, an belrahai, an puan inzarhai le puan in sûnga thil omhai la pehai roi. An saringseihai lapai pein mipuihai kuang, ichiom zât nin kôlvêla khan a iom a nih tiin hrilhai roi.

JEREMIA 49:37

Elam mihai chu anni that nuam, râlhai, chi hrangin siam ki ti. Ki ningmurin Elam mihai chu insiat ki ta, anni ke hnuaia an hek mâka chu, an râlhai doi hrangin tîrsuak ki ti.

HOSEA 13:13

Nupang nâiha irvei chardongna ang kha a chunga zuang tung a ti: ama kha nâipa vâr loitak a nia, a zoro taka nâi hong suakna hmuna om mah.

MARKA 13:8

Nam le nam la’rdoi an ta; ram le ram la’rdoi an ti. Hmun tina hnîngnu lan hnîng a ta, châm la tâk a ti. Kha kha nâihase irphut ang kha ni a ti.