JEREMIA 49:22 - PATHIAN LEKHABU IRTHIANG C.L. Bible (BSI)

²² Bozra chu râlhaiin irmu a mitha phar puma a inbôhai angin, an idoi hrang a ni. Kha nikhuaa khan Edom sipaihai chu nupang nâiha isê irtha’nvâi ang hin om a ti,” a tia.

JEREMIA 49:22 ပူးပေါင်းရင်းမြစ်များ

HOSEA 8:1

Bekul kha ni hmûra irsuntir ro, Rengpa sûngkuahai chunga irmupui angin a zuang e, ki thuthung an tho’nchâia, ki dân an lôipai sikin.

ISAIA 13:8

Irtha’nvâiin intakna tuang an ti, nâiha ise angin inhrûm an ti; an ichina an hmuin chu irzakpui irhlôm an ti.

JEREMIA 49:24

Damaska mipuihai chu irzalin chiin laizâm an tho tâka. Nupang nâiha isê angin na tuang le lungrîl buaiin an iom a ni.

JEREMIA 30:6

Thîrin irdonhai hi roi, pasalin nâiha an irvei ngai mo? Itina mo nupang nâiha isê angin, pasal ni pumin a pum ar dom lika, a hmêl a idang zoi tâk hi?

JEREMIA 6:24

Jerusalem mihaiin, “Thuthang kha kin len hriatin chu kin kuthai a kima, nupang nâiha isê angin lungzîngna le natna’n a ni idê tâk a ni.

JEREMIA 4:13

En ta, sûmphâi angin râl an hong so. Irdoina tâlihai chu phâivua angin mipuihai nêkin sakorhai so intân an hrât ual. Ei hrangin intak a ti! ei isiat zoi a ni ta.

DÂN INHNINA 28:49

An chong khom nin inhriat ngai loi, mi nunrông tak tak, kôlkung ata Rengpa khan hong indoitir a ta, irmu angin nangni zuang inbo thut an ti.

1 THESALONIKA 5:3

“Ningbeina le zôkna,” zoroa an ti lai takin nupang nâiha ise angin voikhat rengin an chunga irhmangna zuang tung a ta, lôi thei no nihai.

DANIELA 7:4

Inkhatna kha chu kâmkeibaknei ang a nia, irmu mitha a neia, a mitha pharin, irnêng ata a phara, mihriam anga ke inhnia ngîr theiin siam a nia, mihriam lungrîl irput angin ki en chiana.

JEREMIA 22:23

Lebanon ata nin zuang ichôi sidar ina hoi riamin nin oma; nâiha isê anga natna nin chunga a hong tung tena chu nin inrunga, natinsat hrang tâk chu na!

JEREMIA 13:21

Rual sa ni inei ngaihai khan nang an rûna ni chunga roirêl sianlân, imo ni iti ta hrang? Nupang nâi nei ang takin a nâ ni ituang hrang a ni.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

ISAIA 26:17

Nupang nâihâ isê anga tuangin, Rengpa ni makunga kin om.

ISAIA 21:3

Khasikin kin thinga nâiha isê angin ki konghai hi a na zoi ta, kûn pumin ki oma, ite inhre ta ma ung. A ni sirpha saa ite inhre thei ta ma ung.

INPÂKNA HLAHAI 18:5

Seol hruihrualhai khan a ni khit phiara, thina chânghai khan a nin ôka.

THUVÂRHAI 30:19

Vânlaizôla irmupui lampui, lungpherpha chunga mirûl lampui, tuikhangliana irkuang lampui le pasal le nupang lungirthung lampuihai.

ISAIA 11:14

Nitâk tianga om Filistia chu doi intam nôk an ta, nisua tianga omhai khom rok pehai an ti.

JEREMIA 50:36

Khandai chu deipu pâlhai chunga an lang chian a nia, a len tohai rêk chu! Khandai chu sipaihai chunga an lang chian a ni, an milung a zîng dân chu!

OBADIA 1:9

O Temana, Esaua tânga irthoka mi tin irhmangtira an om zitna hrangin, ni mi hrâthai kha a saterengin chi an ti.

JEREMIA 50:43

Babulon rama rêngin an thurchi a len hriata, a kuthai chu a’rzal zoi tâka. Lungzîngna’n a dea, nupang nâiha isê angin natna khan a chela.