JEREMIA 49:2 - PATHIAN LEKHABU IRTHIANG C.L. Bible (BSI)

² Nikhua chu a hong itung thiai a ni, kha ni khan chu Raba khopuia mi omhai chu irdoina irhâi inhretirhai ki ta, mâkin om an ta, a khuahai chu hâlpai ni an ti. Khanchu Israelhai khan an kuang ata a lâk pehaia irthokin an ram chu lapai nôk an ti.

JEREMIA 49:2 ပူးပေါင်းရင်းမြစ်များ

2 SAMUELA 11:1

Kum a hong heka, rênghai irdoi hranga an suak zoroa khan, Davida’n Joaba kha a mi lianhai le Israel sipaihai leh khan a tîra, anni khan Amon irchihai kha an inhnêhaia, Raba khua kha an irhual vinga, khannisian Davida chu Jerusalema a oma.

INPÂKNA HLAHAI 48:11

Ni roirêlna sikin Juda nâinuhai chu raifân takin om ri sehai.

INPÂKNA HLAHAI 97:8

Zion tâng khan an hriata, lôm takin a oma, Juda nâinuhai chu raifân takin om an ta; O, Rengpa ni roirêlna sikin.

ISAIA 11:14

Nitâk tianga om Filistia chu doi intam nôk an ta, nisua tianga omhai khom rok pehai an ti.

ISAIA 17:1

Damaska chungchâng chu: Damaska chu kho sûnga tep khom ni ta no nia, thil saloi omna ang mai ni a ti.

JEREMIA 4:19

A na! tuang zoi ta ma ung, a na! Ki milung a na hraia a nin buai zoi ta! ki idâihrek thei ta loi a ni hi; bekul tum irhâi le irdoina khêk irhâi kin hriat tâk sikin.

JEREMIA 49:1

Rengpa’n Amon chungthu a iti chu hi hi a ni, “Israel mihai khôn mo an iom zoi tâk? A ram inzôk hrangin tûte an iom ta loi ma ni? Itho hranga mo Gada namhai chu Milkoma chubai mûkhai ngai an ram lâkin an ilua?

EZEKIELA 21:20

A lampui irsenna laia khan irsinsiana târin lân, inkhat khan Amon khua Raba lampui irkôk sianlân, inkhat khan Jerusalem kul lampui irkôk ri se.

EZEKIELA 21:25

O nang, Israel hruaitu mi sual, thi hrang ni ni, ni sualna hremna hnungkhôn tak zoro a hong tung ta.

AMOSA 1:14

Khannisianlân Raba khua kul chunga mei sêm inchok a ta, khan irdoi nikhua khêk leh, kêllaiher nikhuaa phâivopui le, a rêng inhai kha kâng zoi a ta; an rêng kha sala chel an ta, an mi lianhai leh a pâlin, Rengpa khan a ti.

OBADIA 1:19

Sim tianga mihai khan Esaua tâng kha dong an ta; phâiram tianga mihai khan Filistia ram kha dong an ta: Efraima loi le Samari loi kha dong an ti. Benjamina-hai khan Gilead ram kha dong an ti.

NAMBAR 10:9

Nin rama nin râlhai doi hrang tika khom, hi bekulhai hi tum unglân, khanchu kei Rengpa nin Pathian hin nangni san ki ta, nin râlhai rengata nangni inzôk ki ti.

NAMBAR 21:25

Israel mihaiin kha khuahai kha an lâka, khanchu Israel mihai kha Amor mihai khuaa khan an om tâka. Hesbon le a kôla khotehai khom khan.

DÂN INHNINA 13:16

An thil nei murdihai nin ilâkhai kha khopui tual zôl irzat taka buk khôm nin ta, an khua le sum nin ilâkpai pehai kha nin ihâl zit hrang a ni; Rengpa ta hranga ser tâk kha tûte’n la no ri sehai; Rengpa nin Pathian ta hrang hâlirvôm thilinhlana hâl irhmang zit hrang a ni; kumkhuaa thil chim siat chit ang ni a ta, tûte’n an inding nôk hrang ni ma.

DÂN INHNINA 3:11

Refa-hai laia la dam sun chu Basan rêng Oga hi a ni; irngai ta, a’rkuang kha lung irkuang a nia, mûk pangai mûk kuaka sei, mûk minlia irzat a ni: atûn ten Amon-hai khua Raba-ah a la om.

JOSUA 17:11

Asera-hai le Isakara hai ram chang sûnga Manasea khua Beth-Sean le Ibleam khopui, an kôlvêl khuahai leh a oma. Tuipui kôla Dor khuahai, Endor hai, Taanak hai, Megido hai le an kôlvêla khuahai khom a om.

JOSUA 17:16

Anni’n, “A tâng ram ringot hi kin ta hrangin chu ruk no ni; phâia Kanaan-hai lakin thîr sakor an neia; Jezreel phâia omhai le Beth-Sean khopui le a kôlvêl khuahaiin irdoina thîr sakor an nei chit a ni,” an tia.