JEREMIA 48:44 - PATHIAN LEKHABU IRTHIANG C.L. Bible (BSI)

⁴⁴ Ichiom ata laizâm thotuhai kha khurpadopa tâk an ta, khurpadop rengata la hong suak nôkhai kha chânga khit an ta, Rengpa’n Moab siatchitna zoro ar fûktir sika khan.

JEREMIA 48:44 ပူးပေါင်းရင်းမြစ်များ

1 RÊNGHAI 19:17

Khan Hazaela khandai ata zôk murdi khom Jehua’n nangni that a ta, Jehua khandaia zôk khom Elisa’n nangni that a ti.

1 RÊNGHAI 20:30

A la damhai chu Afek khua sûnga an intân lûta, a khua kulbang chimin sînghni sângsari a del thathai nôka; Benhadada chu khopui sûnga an tân lûta, a in ikil irthupnaa ar bîka.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 24:17

Hnuai mihaio, thilirkhêl tak hong tung hrang a ni, irnêng chima delpha hi nin maton a ni ta.

ISAIA 24:18

Thil ichiom hmua intânhai chu, irnêng chim siatnaa tâ an ta, khatak ata la hong suakhai chu, an omna hmun hmîmin kai pehai mai a ti. Irvân tukver irhongin ruapui hong tho zut zut a ta, irnêng pumpui inhnîng a ti.

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

JEREMIA 11:23

Anathot mihai chunga vânduaina intungtir hrang zoro ki rêl diam ta, a zuang tung tena chu tûte a dam suak om no nihai,” a tia.

JEREMIA 16:16

Khan Rengpa’n, “Nga chel ngaihai tamtak hong hi mihriam chel hranga ki ikoihai an ni. Kha hnung chu sa kâp ngaihai tamtak mual le tânghai le rôl le lungpui kârhaia annihai irdîp hrangin koihai ki ti.

JEREMIA 23:12

An lampui hro chu ar nâl le inthim ni a ta, anni chu irtetin an inrîl hrang a ni. An chunga vânduaina irkhêl insum ki ta; dûk an tong hrang nî chu a itung thiai a ni ta. Keima Rengpa’n ki iti a ni ta.

JEREMIA 46:21

Sipai a irhlotirhai lua khom sete anga ite tho thei loi an ni. Sirsan lâkin doi maka, hnung kîrin laizâm an tho vinga. An chunga intak nî a hong ni tâka, an siatchitna hrang zoro chu.

JEREMIA 49:8

Dedana mihai, kîr unglân laizâm tho ta roi! irbi ta roi! Anni dûk tho hrang zoro a tung tâk sika hin Esaua irchihai chu ki irhmangtirhai hrang a ni.

JEREMIA 50:24

Babulon ram, ni ni doia, ni inhriat loina khan châng nang ki kam pea, ni ikhit tâk a ni hi.

JEREMIA 50:27

Sipaihai chu that ving unglân, irchan paihai roi! Babulon ram mihai chung chu intak pehai a ti, anni dûk tho zoro a hong tung tâk sikin,” a tia.

JEREMIA 51:18

Hlutna nei loi an nia, hmusit zât an ni. Anni ngaitua hranga Rengpa a zuang tika chu, anni chu insiatchit ni an ti.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

CHAP HLA 3:47

Thil irkhêl tak le tuang theiloi rakin kin iom a ni ta.

HOSEA 9:7

Raifânna nikhuahai kha a zuang tunga, thuanna nikhuahai kha a zuang tung e; Israel khan kha kha inhria a ti. Ni tho’nchâina kha a tamin an roi irsâi loina an ipêtsanna kha a’rkhêl sikin, Deipu kha an vêta, irtha nei mi kha a invêt a ni.

AMOSA 5:19

Kâmkeibaknei rotsana, savom tong mi ang le ina lûta, bang chunga kut irnghata, mirûlin a inchuk ang a ni.

MIKA 7:4

An laia mi satak kha buar ang a nia: mi dik tak kha sûl ilhling nei nêkin a siat ual: ni ivêngtuhai nikhua a fanga ni om nia ngei kha a hong tung ta, kha kha an lunginzîngna nikhua ni a ti.