JEREMIA 48:37 - PATHIAN LEKHABU IRTHIANG C.L. Bible (BSI)

³⁷ An rêngin an lu an ep inkola, an hnerkamulhai an paia, an rêngin an kut an âta, mi tinin bora puan an sil tâka.

JEREMIA 48:37 ပူးပေါင်းရင်းမြစ်များ

IRPHUTNA 37:29

Khan Reubena kha a honga khurpadop a va ena, Josefa kha lei om pe ta maka, khanchu ningmurin a puan le diarhai a ir-ek seta.

IRPHUTNA 37:34

Khanchu Jakoba chu a puan le diarkaihai a ir-ek seta, bora puan silin zoro sôttak a chûlpuia.

1 RÊNGHAI 18:28

An khêk inring ual uala, an lei itho lam angin, chemte le ufeiin thisen suak rarakin an irvit phopa.

1 RÊNGHAI 21:27

Elija’n kha thu a hril zoiin chu Ahaba khan a puansil an potthêra, bora puan a sila, bu a ngheia, bora puan leh a zâla, ngûi takin a om tâka.

2 RÊNGHAI 6:30

Rengin kha thu kha a hon hriatin chu a puan an potthêra; kulbang ar fang maia, mipuiin an enin chu a puan hnuaia bora puan a sil chiana.

1 THURCHI SUINA 19:4

Davida palaihai chu Hanuna’n a chelhaia, an hnermul a voipai pehaia, an songkol irfualhai khom an kong tena a tanpai pehaia, an fetirhaia.

ISAIA 20:2

Kum thum lei fe tâka khan Amoza nâipa Isaia chu kekok bun loiin, bora puan sil ta loi hrangin Rengpa’n thu a pêka, a iti angin a thoa; korongin kekok bun loiin a oma.

ISAIA 3:24

Mirimhoi irthûlin mirimsia, kongkhit irthûlin hruihrual, sam tam irthûlin sam kol, tukrivo sa irthûlin bora puan, hmêlsa irthûlin hmêlsia an dongtum ni a ti.

ISAIA 37:1

Reng Hezekia’n kha thu kha an hriatin chu, a puan an potthêra, bora puan a sila, Rengpa ina a lûta;

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 41:5

mi sômriat Sekem, Silo le Samaria irthokin an honga. An hnerkamulhai an voi vinga, an puanhai inpotthêrin an taksahai an ât inphopa. Tempila inhlan hrangin bai le mirimhoi an hong chôia.

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

JEREMIA 49:3

Hesbon mihaio, khêk suak roi! Ai khua chu a siatchit ta! Reba nupanghaio, chap hrangin irsiam ta roi. Bora puan sil unglân, chap ta roi. Lungzîngin chai sup ta roi. Nin pathian Milkoma chu a ochaihai le hruaituhai leh khan sala intâng hrangin an ihruaihai hrang a ni.

EZEKIELA 27:31

Nangma ta hrangin an sam ep an ta, bora puanin irvo an ta; an chap lia an milung la na pehai liain om an ti.

EZEKIELA 29:18

“Mihriam nâipa, Babulon rêng Nebukadnezara chu Tura doi hrangin ar siam tâka. A sipaihai chu puakrik inpêltirhaiin, an lu kol rakin le an dârhai inlông rakin an oma. Khannisian rêng le sipaihai khan Tura rengata ite an sôlna man hmu mahai.

EZEKIELA 7:18

Bora puanhai sil an ta, chitnain anni chu inkhum a ta; an hmêlhai chu inzakna’n inlang a ta, an lua samhai kol zit a ti.

LEVI DÂN 19:28

Mithi sûn sikin nin taksa rêng rêng khom nin irziak inchialhai, ir-âtkhok mani uar no roi. Kei hi Rengpa nin Pathian kha ki ni.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

MIKA 1:16

Irziat inkolin lân, ni nâi inditom takhai sikin ep inkol ro: râikoso angin irvoi inkol intam ual ro; ni kuang ata sala hruaiin an om tâka.

MARKA 5:5

A sûn a zânin thâna le tânga a khêka, lunghai leh khom ar ât ngai.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.