JEREMIA 48:11 - PATHIAN LEKHABU IRTHIANG C.L. Bible (BSI)

¹¹ Khan Rengpa’n hiang hin a hrila, “Moab chu inzôka lei hong om mai ngai angin sala intâng ngai maka. Moab chu uain, tui kha bêl tam dôrin sungirthâk ngai maka, inchâng loia omchian ngai a ni. A mirimhoinahai hek thei maka, ar hniknahai khom a pangai a ni mai ngai.

JEREMIA 48:11 ပူးပေါင်းရင်းမြစ်များ

INPÂKNA HLAHAI 123:4

Mi hoihôkhai êsêlna le lârirpâkhai hmusitna’n Kin hringna hi a sip hrai ta.

INPÂKNA HLAHAI 55:19

Pathian, tianlai ata om mai khan, Irngaitua a ta, sâmhai a ti, Danglamna nei ngai loi, Pathian chi ngai loihai chu.

THUVÂRHAI 1:32

Mi’nmôlhai chu vârna an hmusit sikin an thi ngaia. Intohai khom an lungchukna kha an irhmangna a ni ngai.

ISAIA 16:6

Moabhai chu an lârirpâkna thu ei inhriat angin, an chong irpâkna le, an irsor le an ningmurna thuhai le an irsongnahai chu ite bêin bê ni maka.

ISAIA 24:3

Irnêng chu bun inrong ni a ta, insiat vingin om a ti, kha thu kha Rengpa’n a lei hril sai tâk a ni.

ISAIA 25:6

Hi tânga hin Itinrêng Rengpa’n mi murdihai hrangin hruai inthe a ta, Uain thum a sa chi le a hnînghai le, sâ khom a tui zât inzenin sinsiam a ti.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 48:12

“Mihai intir uain tui angin Moab ki bunthuanna hrang nî a hong inai a ni ta. A uain bêlhai bunpaiin rong a ta, vîkkhoi chit an ti.

JEREMIA 48:29

Moab chu a irpâk tatak a ni. Mihai irpâk dân, irlek dân, mâni thu an iuar dân, an binga an irngaiirsâng dânhai ki inhriat ving a ni.

JEREMIA 51:34

Babulon ram rêngin Jerusalem ar chan india, a ifâk a ni. Khopui chu bêl angin a rongin an omtira, rûlpui angin a invol a ni. A inuam murdi a chôia, a danghai chu a ipai a ni.

NAHUMA 2:10

Inrongtirin a oma, a rong chiana, a iram a ni: an milung kha a zôi tâka, an irkhûkhai kha a ngara, An konghai khom a na zit tâka, an hmêlhai khom a dông zoi zit tâka.

NAHUMA 2:2

Israelhai roiinpuina angin Jakoba-hai roiinpuina kha Rengpa khan an dingtir nôka: inrongtuhai khan anni kha an inrong zoi tâka, an Grep ônhai kha an insiat zoi tâk a ni.

ZEFANIA 1:12

Khan, kha tika chu hiang hin ni a ta, meiser belin Jerusalem zong suak ki ti; uain zôl irnok anga om ma maia, an lungrîla, Rengpa khan a sia a sah ti a nei ngai mo, tituhai chu hrem ki ti.

ZAKARIA 1:15

khan, nam chai nuam mai maihai ata khan a sân ki milunghoi tak tak maka; ki milung hoi loi vai a ni nâkin, anni hranga thil saloi kha an tho’nsual tâk a ni.