JEREMIA 47:6 - PATHIAN LEKHABU IRTHIANG C.L. Bible (BSI)

⁶ Nin khêka, ‘O Rengpa khandai! idôr ten mo ni la isâthai mai hrang hi? Ni koka kîr nôk inlân khatak khan irngam ta ro,’ ti roi.

JEREMIA 47:6 ပူးပေါင်းရင်းမြစ်များ

2 SAMUELA 2:26

Kha hnung chu Abnera khan Joaba a koia, “Kumtuangin ei irdoi mai hrang ma ni ta? A mongna chu beidong ngaisiat om tak a ini hrang iti hi nin hriat mo? I dôra sôt mo ni mihai khan an urênghai irzûl an imong hrang iti ni ihril ta hrang?,” a tia.

1 THURCHI SUINA 21:27

Rengpa’n vântîrtôn khandai kha khâipai hrangin a hrila, a iti angin a thoa.

INPÂKNA HLAHAI 17:13

O Rengpa, thoiin lân, Ama kha ma songin lân, inkûntir khak roh: Ki hringna hi ni khandaiin saninzôkin lân,

ISAIA 10:15

Hrei hi a hlektu nêkin mo roiinpui ual ni? thing âtna khom hi a âttu nêkin mo poimo ual ni? Mi that tumna ringot hin irlektu hi mo nang ual ma? Hmol khom hin a chôitu mo vîk theina ni.

ISAIA 10:5

Assuria rêng chunga ningmurin that ki itum mai a ni, ki ningthik insumna’n ki hmanga.

JEREMIA 12:12

Ramchâr tâng rama irthokin longhai hrangin mi an ihong a ni ta. Ram pumpui insiatchit hrangin irdoina ki itîr a ni ta; mi tukhom irtharngamin om ta mahai.

JEREMIA 12:4

Idôra sôt mo kin ram hi a ichâr hrang, hmun tina hloisûlhai hi an ichâr hrang? Kin mihai sualna sikin ramsahai le vâhai chu an thi tâk sikin, mipuihaiin, “Pathianin ei omdân hi hmu viat maka,” an ti ngai.

JEREMIA 15:3

Kha kha an panna hrang chu a ni. Keima Rengpa hin an chunga thilirkhêl minli intungtir hrangin ki lei irêl infel tâk a ni. Irdoina hmuna that ni an ti; an ruakhai chu uihaiin kaizamhai an ta, vâhaiin fa an ta, an fâk banhai chu ramsahaiin fa an ti.

JEREMIA 25:27

Kha hnung chu Rengpa’n ki kuang, “Keima hi Rengpa itinrêng thothei Israelhai Pathianin mipuihai chu in hrangin thu ki pêk a nih ti inhre roh. An inruia, an inluak mâka le an inrîla, an thoi thei ta no mâka chu in hrangin annihai kuang khandai ki itîr hrang sikin.

JEREMIA 4:21

Idôra sôt mo irdoi hi ki la ihmu maiin, Bekul tum irhâi ki la inhriat hrang?

JEREMIA 48:10

Lungrîl murdi neia, Rengpa sintho loi mi chu khomâksâmin om ri se. A khandai irlek loia that loi mi chu khomâksâmin om ri se.

JEREMIA 50:35

Khan Rengpa’n, “Khandai chu Kaldaihai chunga, Babulon mihai chunga, a roirêltu vârhai chunga a inlang chian a ni.

EZEKIELA 14:17

“Aninole, kha rama khan, khandai zuang irlek ro, ki ti’n chu mi le sa murdi chu that zit ni a ti,

EZEKIELA 21:30

Khandai chu a koka thun ro, ni’rzirna le ni suakna rama ni chungthu rêl ki ti.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

JOHANA 18:11

Jisua’n Petera kuang khan, “Khandai kha a koka thun roh, Pa’n a ni ipêk tuangna khilât hi ki i-in loi hrang ma ni?” a tia.

ROIRÊLTUHAI 7:20

Pâl danghai khomin an bekul chu an tuma, bêl chu an zêm khoia, meiser chu an vei kutin an intûka, bekul chu an chang kuta intûkin an tuma, “Khandai chu, Rengpa le Gideona ta hrangin!,” tiin an khêk tâka.