JEREMIA 46:5 - PATHIAN LEKHABU IRTHIANG C.L. Bible (BSI)

⁵ “Itho tâk ma ni? tiin Rengpa’n chongirdon a siama. Laizâm tho’n hnung tiang an irtôla, an sipaihai hnunga nor an nia; chitna sipin an hrât thei dôr an intâna, an hnung en viat ta loiin.

JEREMIA 46:5 ပူးပေါင်းရင်းမြစ်များ

JEREMIA 49:29

An puan inhai, an belrahai, an puan inzarhai le puan in sûnga thil omhai la pehai roi. An saringseihai lapai pein mipuihai kuang, ichiom zât nin kôlvêla khan a iom a nih tiin hrilhai roi.

JEREMIA 6:25

Ram hla khom fe ngam ta mak me, lampuihai khom fe ngam ta ma ung, kin râlhai chu râltukfama irvo sai an nia, chitna irkhêlin an ni irhual a ni,” an tia.

JEREMIA 46:21

Sipai a irhlotirhai lua khom sete anga ite tho thei loi an ni. Sirsan lâkin doi maka, hnung kîrin laizâm an tho vinga. An chunga intak nî a hong ni tâka, an siatchitna hrang zoro chu.

NAHUMA 2:8

Tianlai ata kha Ninevi khua hi chu dîl ang a nia: khannisianlân an intân irhmanga; ngîr roi, ngîr roi, tiin an khêka; khannisian tûte irheikîr mahai.

EZEKIELA 32:10

Ni chunga ki sintho hranghai hin nam tam takhai khom la kamang zoi an ta, ki khandai kin lek tika chu rênghai chu chipumin inthing an ti. Ni tûk nî tena chu, an rêngin mâni hringna chunga chitinrîmin lan thing an ti,” a tia.

JEREMIA 46:15

Itho sika nin pathian hrât Afis kha a inrîl tâk ma ni? Rengpa’n ama kha a naminrîl tâk sika a ni.

JEREMIA 20:10

Mihai chong set sat kin hriata, “Hmun tina ichi zât irkhêla om ngai! Tho thuneituhai kuang la va hnôl ta rei,” tiin ki rual sahai lua’n kin rîl zoro an inghâk chian a ni; “huang thei duai an ni itinin, khanchu chel ei ta, phuba la ei ta,” an tia.

ISAIA 19:16

Kha ni tena chu Aigupta mihai chu nupang angin an thâiindôp a ta; Itinrêng Rengpa’n anni soisak hrangin a kut thâk chi pumin inthing pumin om zoi an ti.

IRPHUTNA 19:17

Khan hiang hi a nia, kho pên tiang an om zoiin, “Ni hring theina hrangin intân ta ro; ni hnung khom irhei no ro, phâizôla khom hin irngam viat no’n lân, tâng tiang intân ro; khano’nchu ni ithi sa hrang kêng,” an tia.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

ISAIA 13:8

Irtha’nvâiin intakna tuang an ti, nâiha ise angin inhrûm an ti; an ichina an hmuin chu irzakpui irhlôm an ti.

ISAIA 42:17

Millim iama, “Kin Pathian ni nia,” tituhai chu, duai an ta, mualphoi irsak an ti.

JEREMIA 49:5

kil tina irthokin nin ta hrangin ichiom a hong itung hrang a ni. Nin rêngin laizâm tho ving nin ta, nin urênghai bukkhôm hrangin tûte om ta no nihai.

EZEKIELA 39:18

Sipaihai hme chu fa an ta, irnêng chunga roirêltuhai thisen chu in an ti. Khahai kha an rêngin belrachalhai, belratehai, kêlhai le sehrât mar satakhai anga that ving ni an ti.

NAHUMA 2:9

Sumru sumhai kha lapai unglân, rângachak sumhai chu lapai pehai roi. Thil irtikkhôm le bungrua sa murdi roiinpuizia khan mong nî nei mah.

ZEFANIA 1:14

Rengpa nikhua roiinpui tak kha anai tâk e, a nâiin a itheng lat hrang a ni, Rengpa nikho irhâi kha irkhêl tak a ni; kha khan mi hrât kha khêk rak rak a ti.