JEREMIA 43:13 - PATHIAN LEKHABU IRTHIANG C.L. Bible (BSI)

¹³ Aigupta ram Heliopolis khopuia inhriat maina lungphun irthianghai chu insiat chit a ta, Aigupta pathian biak inhai chu hâlpai ving a ti.

JEREMIA 43:13 ပူးပေါင်းရင်းမြစ်များ

IRPHUTNA 41:45

Khanchu Faroa khan Josefa irhming kha Zafenat-panea a tia: khan Heliopolis khuaa deipu Potifara nâinu Asenathi an luatira. Khanchu Josefa kha suakin Aigupta ram murdi a’rfang phut tâka.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 19:18

Kha ni tena chu Aigupta ram kho ringa sûnga Hebrai chong hmang an ta, itinrêng Rengpa irhming sâmin chonginkung an ti. Anni laia khua inkhat chu, “Haheres” ti an ti.

ISAIA 46:2

Millim hrât loihai hrang khomin, a’rzôntuhai san thei mahaia, mâni khomin irsansuak thei mahai. Sala om hrangin an hruaihai ta.

JEREMIA 10:11

Nangma’n anni chu hiang hin ni inhril ngêt hrang a ni; irnêng le irvân siamtu ni loi, pathianhai chu insiat ni an ta, hi irnêng chunga hin kho hmuna khom hmu ni ta no ni.

JEREMIA 25:19

Hiang hin a ni, khilât rengata a dang la in hranghai irhming chu: Aigupta rêng, a mi lianhai le hruaituhai Aigupta mi murdi le Aigupta ram dang mi murdihai, Uz rama rêng murdihai; Filistia khopuihai, Askelon, Gaza Ekron le zôka la om Asdod-a rênghai an rêngin; Ekron Moab le Amon mi murdihai; Tura le Sidon-ah rênghai an rêngin; Mediteranean tuipui kôla ramhaia rênghai an rêngin; Dedana, Tema le Buza khopuihai; lu ep inkolhai murdi; Arabia rênghai an rêngin; ramchâra om nam irpol rênghai an rêngin; Zimria, Elama le Media rênghai a dônte’n an i-in hrang a ni. Irnêng chunga tu nam khomin hi khilâta irthokin an i-in hrang a ni. A hnungkhôn taka Babulon rama rêng khomin in sa a ti.

JEREMIA 43:12

Aigupta pathian biak inhai chu hâl ki ta, Babulon rama rêngin an pathianhai chu a nuamin chu hâl a ta, a nuamin chu chôi ving a ti. Belrapu’n a songkola pahrik a izen angin, Aigupta ram chu Babulon rama rêngin zen infâihai ving a ta, inhnêna changin rot a ti.

JEREMIA 44:1

Rengpa’n Israel mi murdi Aigupta rama khopui Migdol, Tahfanes le Nof le sim tianga omhai chungchânga a ni chongpuia.

JEREMIA 46:25

Rengpa Itinrêngthothei Israelhai Pathianin, “Thebes khuaa pathian, Amona, Faroa, Aigupta le a pathianhai an rêng le Faroa chunga irnghattuhai chu dûk ki ithohai hrang a ni.

EZEKIELA 26:11

An sakor chung chuang mihai chu ni mikot bulhaia lûtin an khandaihai leh ni mipuihai chu thathai an ti. Ni omna khopuia chopui dethai chu hnuaia inrîltir an ti.

EZEKIELA 30:13

Khan Rengpa Pathianin hiang hin a hrila, “Nof millimhai le pathian dolhai chu insiatpai ki ta, khan Aigupta ram chunga roirêltu hrang tukhom om ta no nihai, mipui murdi chu irthatâkin sehai ki ti.

EZEKIELA 30:17

Heleopolis le Bubastis khopuia ruathartehai chu irdoinaa thi an ta, khan mi danghai chu sala hruaiin om an ti.

DANIELA 11:8

Khan an pathianhai, an irlim siamhai le an sumru le rângachak bêlbûr sahai leh khan Aigupta rama chôipai ving a ta, kum idôr vêl mani chu hmâr tianga rêng ata lei irngam ni a ti.