JEREMIA 43:12 - PATHIAN LEKHABU IRTHIANG C.L. Bible (BSI)

¹² Aigupta pathian biak inhai chu hâl ki ta, Babulon rama rêngin an pathianhai chu a nuamin chu hâl a ta, a nuamin chu chôi ving a ti. Belrapu’n a songkola pahrik a izen angin, Aigupta ram chu Babulon rama rêngin zen infâihai ving a ta, inhnêna changin rot a ti.

JEREMIA 43:12 ပူးပေါင်းရင်းမြစ်များ

2 SAMUELA 5:21

Filistia mihaiin laizâm an tho lai khan an millimhai an mâksana; Davida le a mihai khan an lâkpai tâka.

ESTHERI 6:9

Ni mi lianhai laia a roiinpui tak koiin lân, rêng songkolhai chu innghâktir sianlân, sakor chunga inchuangtir sianlân, khopuia chaipui ri se. An fepui laiin, rêngin mi a ichôiindôm ni a ti, ti zêl ri se,” a tia.

JOBA 40:10

Inlalna le inzaomna hong irbelin lân, chôiindômna le roiinpuina’n irbel roh.

INPÂKNA HLAHAI 104:2

Nangma’n chu vâr kha puan angin nir bela; Irvânhai khi puan in chung angin ni kaiphara:

INPÂKNA HLAHAI 132:16

A ochaihai chu saninhringna’n inthuam ki ta, A mi irthianghai chu raifânna hla sakin khêk an ti.

INPÂKNA HLAHAI 132:18

Ama doituhai chu mualphoina’n irkhû ki ta, Ama chunga rêk chu a rênglukhum chu irtêk sup a ti,” tiin.

FESUAKNA 12:12

Kha zân ngêta khan Aigupta rama fe ki ta, sa le mihriam an rêngin nâilutîr kai chu that ving ki ta; khante Aigupta rama pathianhai chunga roirêlna intung ki ti. Rengpa’n ki iti a ni.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 21:9

Sakor chungchuang a bopa honghai, an hong tung thuta! “Babulon khua a siat ta, a siat ta. An millim pathianhai an irtantir pehai rem rum ta,” râl hrungtu’n a ti.

ISAIA 46:1

Babulon-hai ibiak pathian Bela le Nebo chu, an sôlin ite châng thei ta mahai: Sakuartunghai an inpêltirhaia, sa sôl tâkhai hrang khomin rik tak an ni.

ISAIA 46:2

Millim hrât loihai hrang khomin, a’rzôntuhai san thei mahaia, mâni khomin irsansuak thei mahai. Sala om hrangin an hruaihai ta.

ISAIA 49:18

Tangin lân, thîr hi ro, ni mihai irthoka irhâi hi, an hong irthok chak a ni ta. “Keima ki om,” Rengpa thusuakin a ti: Moiin a’rvôna a irsongpui angin, a mihai chu songhai ni ti.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

ISAIA 59:17

Rôppho hrangin dikna an nghâk tâka, saninhring theina lukhum a khuma, phuba lâkna puan leh ar tuama, ningmurna puan a sil ta.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 61:5

Nam danghai chu hmanghai nin ta, nin sa vâihai enkol an ti, ram dang mihaiin nin loi phol an ta, nin grep irhuanhai chuan an ti.

JEREMIA 10:11

Nangma’n anni chu hiang hin ni inhril ngêt hrang a ni; irnêng le irvân siamtu ni loi, pathianhai chu insiat ni an ta, hi irnêng chunga hin kho hmuna khom hmu ni ta no ni.

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

JEREMIA 25:19

Hiang hin a ni, khilât rengata a dang la in hranghai irhming chu: Aigupta rêng, a mi lianhai le hruaituhai Aigupta mi murdi le Aigupta ram dang mi murdihai, Uz rama rêng murdihai; Filistia khopuihai, Askelon, Gaza Ekron le zôka la om Asdod-a rênghai an rêngin; Ekron Moab le Amon mi murdihai; Tura le Sidon-ah rênghai an rêngin; Mediteranean tuipui kôla ramhaia rênghai an rêngin; Dedana, Tema le Buza khopuihai; lu ep inkolhai murdi; Arabia rênghai an rêngin; ramchâra om nam irpol rênghai an rêngin; Zimria, Elama le Media rênghai a dônte’n an i-in hrang a ni. Irnêng chunga tu nam khomin hi khilâta irthokin an i-in hrang a ni. A hnungkhôn taka Babulon rama rêng khomin in sa a ti.

JEREMIA 43:13

Aigupta ram Heliopolis khopuia inhriat maina lungphun irthianghai chu insiat chit a ta, Aigupta pathian biak inhai chu hâlpai ving a ti.

JEREMIA 46:25

Rengpa Itinrêngthothei Israelhai Pathianin, “Thebes khuaa pathian, Amona, Faroa, Aigupta le a pathianhai an rêng le Faroa chunga irnghattuhai chu dûk ki ithohai hrang a ni.

JEREMIA 48:7

“Moab, ni’rnak le ni’rchona ni’rnghata, khan atûn chu nangma khom rûnin om ni ta; ni pathian Khemosa chu a hruaituhai le ochaihai leh khan, sala intâng hrangin hruai ni an ti.

JEREMIA 49:27

Damaska kulbanghai mei leh hâl ki ta, rêng Benhadada inhai hâlpai ving ki ti. Keima Rengpa Itinrêngthotheiin ki iti a ni,” a tia.

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

JEREMIA 51:44

Babulon rama pathian bêl chu dûk tho ki ta, a inlem tâk kha inluak suak nôk ki ta, namhaiin chubai mûk ta no nihai. “Babulon kulbanghai chu a chim tâka.

EZEKIELA 29:11

Mihriam mani, ramsa mani khom, kha khan inlôi thei ni no nihai, kum sômminli sûng chu tûte lua thei ni no ni.

EZEKIELA 29:19

Khasikin atûn, kei Rengpa Pathian hin hiang hin ki ihril a ni: Aigupta ram chu rêng Nebukadnezara kuta pe ki ta, ama’n mualphoi sak a ta, Aigupta irchon murdi chu chôiin a sipaihai hlo hrangin pehai a ti.

EZEKIELA 30:13

Khan Rengpa Pathianin hiang hin a hrila, “Nof millimhai le pathian dolhai chu insiatpai ki ta, khan Aigupta ram chunga roirêltu hrang tukhom om ta no nihai, mipui murdi chu irthatâkin sehai ki ti.

DANIELA 11:8

Khan an pathianhai, an irlim siamhai le an sumru le rângachak bêlbûr sahai leh khan Aigupta rama chôipai ving a ta, kum idôr vêl mani chu hmâr tianga rêng ata lei irngam ni a ti.

ZEFANIA 2:11

An chunga khan Rengpa kha ichiom tak ni a ta; irnêng chunga pathianhai murdi kha a inboipai hrang a nia; kha khan mihriamhai khan ama kha biak ta an ta, mi tinin mâni hmun seng ata chubai mûk an ti.

ROM KHUAA MIHAI KUANGA TÎRTÔN PAULA LEKHATHON 13:12

Zân hi a boi vâng vâng tâka, khua a ivâr hrang a ni ta; khasikin izînga sintho chu pai inlân, vâr irbelin irbel ta ei ti.

EFESI 4:24

thutaka suak, felna le irthiangnaa Pathian anga siam, mihriam thar khan, irbel roi.

EFESI 6:11

Diabola nangni inthêmna hrang nin lei khâl theina hrangin Pathian râltukfam irkipin irbel roi.

KOLOSA 3:12

Khanchu Pathian mi inthang, mi irthiang le inditom takhai ni le irhoiin lungrîl taka irrenna hai, khonzana hai, irngaiintômna hai, thuhnuairôlna hai, tuangdiarna hai khan irvô roi.

KOLOSA 3:14

Khahai murdi chunga khan lungthungna irbel unglân, kha kha itinrêng inrual taka khitkhop theitu a ni.