JEREMIA 43:11 - PATHIAN LEKHABU IRTHIANG C.L. Bible (BSI)

¹¹ Nebukadnezara chu hong a ta, Aigupta hi a inhnê hrang a ni. Khanchu hri le hrâia thi hranghai chu hri le hrâiin thi an ta, mi intâng hranga hruai suak hranga inkunghai chu mi intânghaiin hruai suak ni an ta, khandaia thi hranga inkunghai chu khandaiin thi an ti.

JEREMIA 43:11 ပူးပေါင်းရင်းမြစ်များ

JOBA 20:29

Hi hi Pathian ata mi sualhai dongtum chu a nia, Pathianin an irchon lua hranga a inkung pehai chu,” tiin.

JEREMIA 15:2

Kho tiang mo an ipan hrang tia nang an irdonin chu, ki iti kha hril roh: Senkhat chu hripuia thi hrang an nia, khatak khan an ipan hrang chu a ni. Senkhat chu irdoinaa thi hrang an nia, kha kha an panna hrang chu a ni. Senkhat chu châma thi hrang an nia, kha kha an panna hrang chu a ni. Senkhat chu sala hruai hrang an ni.

JEREMIA 25:15

Rengpa Israelhai Pathianin a iti chu, “Hin uain khilât ki ningmurna sip chu a iom a ni. Nang ki itîrna nam tinhai kuang fe’n lân, hi khilât ata hi anni chu in intirhai roh.

JEREMIA 25:19

Hiang hin a ni, khilât rengata a dang la in hranghai irhming chu: Aigupta rêng, a mi lianhai le hruaituhai Aigupta mi murdi le Aigupta ram dang mi murdihai, Uz rama rêng murdihai; Filistia khopuihai, Askelon, Gaza Ekron le zôka la om Asdod-a rênghai an rêngin; Ekron Moab le Amon mi murdihai; Tura le Sidon-ah rênghai an rêngin; Mediteranean tuipui kôla ramhaia rênghai an rêngin; Dedana, Tema le Buza khopuihai; lu ep inkolhai murdi; Arabia rênghai an rêngin; ramchâra om nam irpol rênghai an rêngin; Zimria, Elama le Media rênghai a dônte’n an i-in hrang a ni. Irnêng chunga tu nam khomin hi khilâta irthokin an i-in hrang a ni. A hnungkhôn taka Babulon rama rêng khomin in sa a ti.

JEREMIA 42:22

Khasikin hi hi inhre roi: nin ife nuamna le nin iom nuamna rama khan irdoina’n mani, châmin mani, hriin mani thi nin ti,” tiin.

JEREMIA 44:12

Juda mi a la dam sunhai Aigupta rama fea om tumhai kai chu, an irhmang ving ti ki ieninfel hrang a ni. An rêngin a chîn a lian Aigupta rama, khandaiin aninole châmin mani thi an ti. Enintak tak ni an ta, mihaiin hmusithaiin intuangtirhai an ta, an irhminghai khomâksâmna’n hmang an ti.

JEREMIA 44:13

Jerusalema omhai dûk ki ithohai lam takin Aigupta rama omhai khom khandai hai, châm hai, hri le hrâiin dûk ki ithohai hrang a ni.

EZEKIELA 29:11

Mihriam mani, ramsa mani khom, kha khan inlôi thei ni no nihai, kum sômminli sûng chu tûte lua thei ni no ni.

EZEKIELA 5:12

Hmun thuma sena hmun khat chu hriin mani, châmin mani, nin laia mi thi an ta; hmun thuma sena hmun khat chu ni vêla khandaiin thi an ti; hmun thuma sena hmun khat dang chu thekindarhai zit ki ti, khandaiin irzûlhai thiai ki ti.

ZAKARIA 11:9

Khanchu keiin belra pâlhai kuang khan, “Nin belrapu’n om ta no ninga, a thi hranghai chu thi ta unglân, inboipaia om hranghai chu inboipaiin om ta roi. A hring sunhai khom chu anni le anni hmê chu la’rfa an ti,” tiin ki hrila.

THUPHUANG 13:10

Tukhom sala om hranga a niin chu sala hruaiin om a ta, khandaia thi hrang a niin chu, khandaia thatin om a ti. Hitaka hin Pathian mihai chu ngîrindetna le iamom taka an om a nangzia an lang,” a tia.