JEREMIA 42:6 - PATHIAN LEKHABU IRTHIANG C.L. Bible (BSI)

⁶ Chongchai hranga nang kin itîrna Rengpa kin Pathian thu kin zôm hrang sikin thil tinrêng kin ta hrangin a ifel hrang a ni,” an tia.

JEREMIA 42:6 ပူးပေါင်းရင်းမြစ်များ

JEREMIA 7:23

Khan, an Pathian ki nia, ki mihai an ni theina hrangin le ki thu zôm thei hrangin chu, thu ki ipêk an ni. Khante an ta hranga thil a fe insa mai theina hrangin ki thupêk ang taka, innun hrangin ki ihrilhai an ni.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti:

ROM KHUAA MIHAI KUANGA TÎRTÔN PAULA LEKHATHON 8:7

Taksa nuamlam chu Pathian a doia; Pathian Dân zôm maka, zôm khom zôm thei ual mah;

DÂN INHNINA 5:33

Rengpa nin Pathianin nin fena hrang a itia khan nin ife thiai hrang a ni; khanchu, dam nin ta, irhniang nin ta, nin ram nei hranga khan sôt tak nin idam hrang a ni.

ROM KHUAA MIHAI KUANGA TÎRTÔN PAULA LEKHATHON 7:13

A ninole, thil sa khan ei ta hrangin thina a hong intung kêng na? Intung mak e. Sual kêngin a ni: Sual a nizia inlang hrangin thil sa hmangin ki ta hrangin thina a hong intunga, thupêk sikin sual irkhêlzia chu a hong inlang fel tâk a ni.

ROM KHUAA MIHAI KUANGA TÎRTÔN PAULA LEKHATHON 7:7

Imo ei insîr hrang tâk? Dân chu sual ma ni? Ni mak e. Aniachu dânin nin hriattir no sian sual hi inhre no ning, dân khan, “Irzuk no roh,” ti no sian, irzuk hi ki inhriat loi hrang pial a ni.

ISAIA 3:10

Mi sahai laia chu, “Nin tho insa, nin sinthôna ra ât nin ti,” ti unglân;

INPÂKNA HLAHAI 128:2

Ni kut sinsôl ra chu fa ni ta; Lôm takin om ni ta, irthiphiaiin om ni ti.

JOSUA 24:24

Mipuihaiin Josua chu an sâma, “Kin Pathian Rengpa sin hi kin tho hrang a ni, a thu khom zôm zêl kin ti,” an tia.

FESUAKNA 24:7

Khanchu thuthung irziakna bu chu a lâka, mipuihai inhriat hrangin inring takin a tepa, “Rengpa thu zôm kin ta, a thupêk angin tho kin ti,” an tia.

DÂN INHNINA 5:27

Rengpa ei Pathianin a insîr murdi kha ni hrilin lân, lei irngai kin ta, zôm kin ti,’ an tia.

JEREMIA 22:15

Sidar thing leh in sin thei sikin, rêng sa ualin nang a isiam ma ni? Ni pa khan diktak le fel takin sin a thoa, a inuam murdi a fâkin a ina, a itho tinrêng chung a tuar pe ngai a ni.

JEREMIA 43:4

Khaangin Karea nâipa Johanana mo, sipai hruaituhai le mipuihaiin Judai rama om mai hranga Rengpa thupêk kha zôm nuam maka.

INPÂKNA HLAHAI 78:36

Khannisianlân ama chu an bâiin an inpâk pa paia, An mileiin an kuang milak thu an insîr ngai.