JEREMIA 42:22 - PATHIAN LEKHABU IRTHIANG C.L. Bible (BSI)

²² Khasikin hi hi inhre roi: nin ife nuamna le nin iom nuamna rama khan irdoina’n mani, châmin mani, hriin mani thi nin ti,” tiin.

JEREMIA 42:22 ပူးပေါင်းရင်းမြစ်များ

JEREMIA 42:17

Aigupta rama fe hrang tum ngit mihai chu an rêngin khandaiin mo, châmin mo, aninole hri le hrâihaiin an ithi hrang a ni. An laia inkhat lua dam suak no nihaia, vânduaina irkhêl an chunga ki zuang intungtir hrang chu an laia inkhat lua intân suak thei no nihai,’ tiin.

HOSEA 9:6

Irngai roi, siatna zuang tung a ta, indarh an ta, Aigupta khan anni kha hong irkhôm ual a ta, Memfis khan lei phûm a ti; an tangkarua thil inditomhai kha kâng irkholin bôm a ta. An puan inhai khan hloi ilhlingnei om a ti.

EZEKIELA 6:11

Rengpa pathianin hiang hin a ti, “Ni kut inbênin lân, ni ke intet ro! Israel in sûngkuahaiin thilsual porinche an tho ngai hi a poi tak tak! khandaiin, châmin le hripui tuangin thi an ti, ti roh.

JEREMIA 43:11

Nebukadnezara chu hong a ta, Aigupta hi a inhnê hrang a ni. Khanchu hri le hrâia thi hranghai chu hri le hrâiin thi an ta, mi intâng hranga hruai suak hranga inkunghai chu mi intânghaiin hruai suak ni an ta, khandaia thi hranga inkunghai chu khandaiin thi an ti.

ISAIA 30:3

Khasikin, Faroa hrâtna chu nin mualinphoina ni ta a ta, Aigupta raifân nin itûng hih nin inzakna ni ta a ti.

JEREMIA 44:12

Juda mi a la dam sunhai Aigupta rama fea om tumhai kai chu, an irhmang ving ti ki ieninfel hrang a ni. An rêngin a chîn a lian Aigupta rama, khandaiin aninole châmin mani thi an ti. Enintak tak ni an ta, mihaiin hmusithaiin intuangtirhai an ta, an irhminghai khomâksâmna’n hmang an ti.

EZEKIELA 33:27

“Khan an kuang hiang hin ti pehai ro, kei Rengpa Pathian hi Pathian hring ki ini ang hin ki iti a ni, khopui siata mi om murdihai kha that ni an ta; rama om murdihai chu ramsahaiin fahai an ti. Tânga le pûka irbîkhai khom hripuiin thi an ti.

JEREMIA 24:10

Anni le an irchibulhai ki pêkna rama an hek ving mâka chu, an chunga irdoina, châmna, le hri le hrâi ki inlêngtir hrang a ni,” a tia.

EZEKIELA 6:12

Ram hlataka omhai chu hripuiin thi an ta, anai uala omhai chu khandaiin that ni an ti. Hitaka la omsun, hual sûnga omhai hi phîngchâmin thi an ti, khaang khan ki ninginmurna chu an chunga buak ki ti.