JEREMIA 42:18 - PATHIAN LEKHABU IRTHIANG C.L. Bible (BSI)

¹⁸ Rengpa, Israelhai Pathianin, ‘Ki ningmurna khan Jerusalema mihai chunga insuma a iom angin, ki ningmurna chu nin chunga, Aigupta nin fe’n chu insumin om a ti. En intak takin om nin ta; mihai ihmusit tuang nin ta, nin irhming khomâksâmna’n hmang an ta, hi ram hi hmu nôk ta no chin ni,’ tiin” ki tia.

JEREMIA 42:18 ပူးပေါင်းရင်းမြစ်များ

2 THURCHI SUINA 34:25

Anni hnôla, pathian dang kuang thilinhlanhai an inhlana, an sintho’n ki ning an inmurtir a ni. Jerusalem chunga ki ning an mur tak taka, dâi thei lik no ni.

ISAIA 30:3

Khasikin, Faroa hrâtna chu nin mualinphoina ni ta a ta, Aigupta raifân nin itûng hih nin inzakna ni ta a ti.

ISAIA 65:15

Ki inthang ki mihriamhaiin nin irhminghai kha khosâlna’n hmang an ta, Rengpa Pathianin nangni thatpai a ti, ki siahlohai chu irhming thar phuahai ki ta.

JEREMIA 18:16

Hi ram hi thil ichiomin an siama, irngaiinhlu loia om mai hrang angin. A theng irlôihaiin an thil hmu kha ar khêl ti an ti. Irngai irkhêlin an luhai khom notpol an ti.

JEREMIA 22:27

Hi ram hi hmu nôk hrangin irzuk bâk nin ta chu, nin hong ikîr thei ta loi hrang a ni,” a tia.

JEREMIA 23:40

An chunga kumtuangin irnghil thei loi hrang inzakna le mualphoina intungtir ki ti,” tiin.

JEREMIA 24:9

An chunga vânduaina irkhêl tak intung ki ta, rammuala nam tinhai chu chi ta tak an ti. Mihaiin nuisohai an ta, tufiam thôna’n hmanghai an ta, êsêlhai an ta, ki inthekindarna hmun tina an irhming chu khosâlna’n hmang an ti.

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 29:18

anni chu khandai, châm le hri le hrâihai leh irzûlhai ki ta, rammual nam tin chu an thil hmu chu an ichi sabak hrang a ni. Anni kin thekindarna hmun tina, an chunga thil tung sika khan, mihriamhai inlâiin chi sabak an ti. Mihaiin anni chu hnung songsanhai an ta, an irhming kha khomâksâmna’n hmang an ti.

JEREMIA 29:22

Khanchu Jerusalema irthokin Babulon ram tianga kop hranga hruaia omhai khan mi khomâksâm an nuamin chu, ‘Zedekia le Ahaba, Babulon rêngin a hring puma mei leh a ihâl ang khan, Rengpa’n ni chunga tho sa ri se,’ ti ngai an ti.

JEREMIA 44:12

Juda mi a la dam sunhai Aigupta rama fea om tumhai kai chu, an irhmang ving ti ki ieninfel hrang a ni. An rêngin a chîn a lian Aigupta rama, khandaiin aninole châmin mani thi an ti. Enintak tak ni an ta, mihaiin hmusithaiin intuangtirhai an ta, an irhminghai khomâksâmna’n hmang an ti.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

JEREMIA 44:6

Khasika khan ki ningmurna chu Judai ram khuahaia le Jerusalem kotsuahaia ki bukhai ta, mei leh ki ihâl a ni ta. Anni chu ramin le en intak takin a vuana an iom ang hin ki imâksanhai a ni ta.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

JEREMIA 6:11

Rengpa’n an chunga ni ninginmurna chu keima khom a ni kâng saa, ki ituang zoi loi a ni ta. Khanchu, Rengpa’n ki kuang, Ki ninginmurna chu nâipang kholâi chaihai laia le ruatharte irbukkhômhai laia insum ki ta, pasal le nupanghai hruaiin om an ta, a tarhai khom lêkhai no ni.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

CHAP HLA 2:4

Râl angin a thal irchuan nei a kâpa, A ihmu hnông ngailoi nâi le tehai a that zoi ta. Zion khua in sûnghaia khom, a ningmurna meipuia lûtin ar al ta.

CHAP HLA 2:6

Irhuana neinun chu ram angin, an inkhômna in a ram zoi tâka, Zion-a khan inkhômpui le Sabat serna nihai khom a hek ving tâka, a ningmur hrai sikin, an rêng le ochaihai hnôlin an om ta.

CHAP HLA 4:11

Rengpa’n a ningmur chu insum zoi loiin Zion khan a ningmurna mei an suaa; a lung phûmhai dênin a siat zoi ta.

EZEKIELA 20:34

Nam danghai lai ata nangni hruaisuak ki ta, inthekindara nin omna ram ata chu kut hrâttak le bân phar le ninginthik sûngin nangni hruaikhôm ki ti.

EZEKIELA 22:22

Anni chu tangkarua hâlinzôina meisûmpuia inzôi angin Jerusalema khan hâlinzôiin om an ti. Kha tena chu Rengpa ningmurna chu bunthuanin a iom a nih ti inhresuak ta an ti,” a tia.

DANIELA 9:11

A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

DANIELA 9:27

Khan hapta khat hrangin mi tamtak kuang thuthung det siam a ta; khan hapta chimrip hrangin irbôlna le thilinhlan bâng a ta, a chiartu chu intirom tha chunga chuangin zuang a ta; khan a mongna, zuang tung ngêt hranga inkung khan ningmurna chu chiartuhai chunga khan buak khumhai ni an ti,” a tia.

HOSEA 7:16

An irheikîra, anchung taka kuang ni loiin; thal ngul mirûl ang an ni, an milianhai kha an chong per pur sikin, khandaiin tûk an ti. Hi hi Aigupta rama innuisan an inina ni a ti.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

ZAKARIA 8:13

O Juda le Israel mihai, tiana khan chu ram dang mihaiin, ‘Israel le Juda chunga siatna a itung ang hi ni chunga khom tung ri se’ tiin khomâk an irsâm ngaia. Khannisian nang saninzôk ki ta, ram dang mihaiin, ‘Israel le Juda chunga satvurna a itung ang hi ni chunga khom tung ri se,’ tiin la hril an ti. Khasikin ngam takin omin lân, chi no ro,” a tia.

NAMBAR 5:27

A lei uirea ni’n chu a sân a phîng hong na pe a ta, a phîng hon vûng pe a ta, a nâi vongna hong siat a ta, a mal khom hong chîn pe a ta, khanchu nupang kha a’rchihai laia khosâlin om a ti.

THUPHUANG 14:10

kha mi tak khan Pathian ningmurna uain, a ningmurna khilâta a isung insip kha in a ti. Vântîrtôn irthianghai leh Belrate makunga mei le kâta dengintheiin om a ti.