JEREMIA 42:10 - PATHIAN LEKHABU IRTHIANG C.L. Bible (BSI)

¹⁰ ‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.

JEREMIA 42:10 ပူးပေါင်းရင်းမြစ်များ

2 SAMUELA 24:16

Rengpa vântirtôn khan insiat hrangin Jerusalem tiang a kut a hor leka, khan Rengpa’n a mihai kuttum tho hrang a iti kha a milung a’rthûltira, mi thattu vântirtôn kuang khan, “A ruk ta, ni kut irlek ta no ro,” a tia. Rengpa vântirtôn kha Jebus mi Arauna hruizôl kôla khan a oma.

INPÂKNA HLAHAI 102:16

Rengpa khan Zion khua kha an ding nôk tâka, A roiinpuinaa irbelin an lang tâka;

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

INPÂKNA HLAHAI 37:3

Rengpa chu iamin lân, thil sa tho roh, Hi rama hin omin lân, iamomna irzûl mai roh.

INPÂKNA HLAHAI 69:35

Pathianin Zion chu sansuakin, Juda khuahai chu a inding hrang a nia; khanchu kha khan om an ta, nei zêl an ti.

FESUAKNA 32:14

Khasika khan kêng Rengpa’n a lungrîl an danglamtira, a mihai chunga vânduaina irkhêl intungtir hranga a lei ihril kha a irlêktir a ni.

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 27:11

A tu nam khom Babulon rêng thuhnuaia omin, a sin thohai chu, an ram ngêta om hrangin phal pehai ki ti, khatak khan oma loimân tho hrangin. Keima Rengpa’n ki iti a ni,” a tia.

JEREMIA 31:28

Annihai inpotsuaka insiathai hrang, irtettira inhekhai hrang le inkamangtirhai hrangin ki lei tuma; khannisian, indingtir le indettirhai hrangin ki lei ihrung a nih ti hi Rengpa thu suak a ni.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

JEREMIA 43:4

Khaangin Karea nâipa Johanana mo, sipai hruaituhai le mipuihaiin Judai rama om mai hranga Rengpa thupêk kha zôm nuam maka.

EZEKIELA 36:36

Khanchu a kôlvêla nam inzôka omhai khan kei Rengpa hin khopui siathai chu inding nôkin ram inpon tâkhai chu ram hringin ki siam nôk ti inhre ta an ti. Kei Rengpa ngêt hin tho hranga chong kin kung tâk sikin tho ngêt ki ti,” a tia.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

JOELA 2:13

nin puan ni loiin nin milung thêr unglân, Rengpa nin Pathian tiang khan irhei roi: ama kha lunginkham thei tak le inrennaa sip, milung irnêm le khonzâna nei intam, thil saloi ata hong kîr ngai a ni,” a tia.

AMOSA 7:3

Hi thu tiang hin Rengpa kha ar hei kîra Rengpa khan, “Ni nôk ta no ni”, a tia.

AMOSA 7:6

Hi thu tiang hin Rengpa kha ar heikîra; Rengpa khan, “Hihai khom hi zuang tung no ni” a tia.

JONA 3:10

Khanchu, Pathianin an thilthohai kha enin, a lampui saloi kha an irheisan tih a hmua; an kuang a lei insîr tâk angin, tho a itum thil saloi kha Pathian khan ar hei kîra; a itho ta loi a ni.

JONA 3:4

Jona kha sûn khat fe dôr khopui sûnga khan a hong lût irphut phota, “Atûn ata sûn sômminlia, Ninevi hi irhmangtir nih a ti,” tiin a khêka.

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

TÎRTÔNHAI SINTHO 15:16

‘Kha irzoia khan kîr nôk ki ta, Davida omna in chim kha inding nôk ki ti. A siatna ualhai khom siam insa nôk ki ti.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

ROIRÊLTUHAI 2:18

Rengpa’n hruaituhai a pêkhaia, Rengpa’n kha hruaituhai kha a ompuihai ngai, an dam sûng chu an râlhai kut ata a saninzôk ngai; anni dengintheitirtu le opbetuhai sika an inrûm chu Rengpa’n an ren nôkhai ngai.