JEREMIA 41:10 - PATHIAN LEKHABU IRTHIANG C.L. Bible (BSI)

¹⁰ Khan, rêng nâinuhai le mi dang Mizpa-a om, sipai hruaitu Nebuzaradana’n Gedalia enkolna hnuaia a isiahai, an rêngin intângna ina intângin a siamhai tâka. Ismaela’n anni chu mi intânga hruaiin Amon ram hualna tiang a fe tâka.

JEREMIA 41:10 ပူးပေါင်းရင်းမြစ်များ

NEHEMIA 2:10

Khan Horon mi Sanbalata le Amon mi siahlo Tobia haiin an len hriatin chu Israelhai san hrangin an hong a nih tiin an milung chuk pehai maka.

NEHEMIA 2:19

Khannisian Horon mi Sanbalata le Amon mi, siahlo Tobia le Arab mi Gesema’n haiin an inhriatin chu an nin nuisanin, an ni hmusita, “Nin sintho hi itho sika mo? Reng chunga hin nin tehel nin izong ma ni?” an ni tia.

JEREMIA 22:30

“Hi mi hi nâi le te nei loi hranga thei loi inchangtir a nia, hlochukna zel nei loi mi ni hrangin. Davida hnung thûl hrang Judai ram roirêl hranga irchi suanpâr nei loi a ni. Keima Rengpa’n ki iti a ni,” a tia.

JEREMIA 38:23

Khanchu ki ti pe nôka, “Ni nupanghai le ni nâihai ngei khom an kuta irthokin zôk thei no chi ni. Babulon ram rêngin intângnaa nang hruai a ta, hi khopui hi ihâlpai zit ni a ti,” ki tia.

JEREMIA 39:6

Ribla khuaa khan Zedekia nâipasalhai chu hmuchakin a thathaia, Juda mi lianhai khom a that sahaia.

JEREMIA 40:14

a kuang an ti pea, “Amon mihai rêng Baalisa’n Nethania nâipa Ismaela chu nang that hrangin a itîr a nih ti hi ni inhriat loi ma ni?,” an tia. Khannisian Gedalia khan iam maka.

JEREMIA 40:7

Sipai hruaituhai le mi dang ar pêk loihai khan Babulon rama rêng Ahikama nâipa Gedalia chu ram optu, kha ram sûnga inriang tak, Babulon rama hruaia om loihai enkoltu hrangin bê a nih ti an len hriata.