JEREMIA 40:9 - PATHIAN LEKHABU IRTHIANG C.L. Bible (BSI)

⁹ Gedalia’n a ti pehaia, “Babulon-hai kuta irpe hrangin ite chi hrang zel om mah ti hi chong ki inkung a ni. Hi rama hin omhmun indet unglân, Babulon rama rêng sintho unglân, nin ta hrangin thil tinrêng fel ving a ti.

JEREMIA 40:9 ပူးပေါင်းရင်းမြစ်များ

IRPHUTNA 49:15

Irngam chu a sa ti an hriata, a ram hoi lam khom an hriata. Khanchu puak pêl hrang zongin a oma. Khanchu sintho hrangin mihaiin an hmang ta.

2 RÊNGHAI 25:24

Gedalia’n an kuang le an mihai inhriatin, “Kaldai sorkâr sinthohai hi chi no ro. Rama hin om papai unglân, Babulon rêng hnuaia kûn unglân nin ta hrangin sa a ti,” a tia.

INPÂKNA HLAHAI 128:2

Ni kut sinsôl ra chu fa ni ta; Lôm takin om ni ta, irthiphiaiin om ni ti.

INPÂKNA HLAHAI 37:3

Rengpa chu iamin lân, thil sa tho roh, Hi rama hin omin lân, iamomna irzûl mai roh.

JEREMIA 27:11

A tu nam khom Babulon rêng thuhnuaia omin, a sin thohai chu, an ram ngêta om hrangin phal pehai ki ti, khatak khan oma loimân tho hrangin. Keima Rengpa’n ki iti a ni,” a tia.

CHAP HLA 1:1

E he! Jerusalem khua irhming satak ni ngai kha te, a lei siat rem rum ta ngaia! Nam tinhai irngaiirsâng lei ni ngai kha meithâi angin te a om tâka. Khua roiinpui tak lei ni kha, siatin te a om tâka.

CHAP HLA 5:9

Parân fe pat thei ang dôrin fâk kin zonga, ramchâra khandai tuang hrang sikin,