JEREMIA 40:15 - PATHIAN LEKHABU IRTHIANG C.L. Bible (BSI)

¹⁵ Khanchu Johanana khom Gedalia kuang, “Ismaela chu lei va that rong, tûte’n tu ithat mo a inih ti inhre no nihai. Itho ngân mo nang that hrangin phal a ini thei hrang? Kha thil khan Juda mi murdi nang irhuala irbûmhai irthekindarh a ta, Judai rama imâka la omhai hrangin vânduaina irkhêl intungtir a ti,” a tia.

JEREMIA 40:15 ပူးပေါင်းရင်းမြစ်များ

2 SAMUELA 18:3

Khannisianlân mipuihai khan, “Nang chu keini laia hong sa no chi ni. Keinihai hi chu laizâm tho chuk duai ta sianlân, râlhaiin ite bêin ni bê no nihai, a chimrip va thi khomin lân; ite bê’n bê viat no ni; khannisian nangma chu keini sîngkhat nêkin ni ihlu ual a ni. Khasikin khopuia ni om chiana, ni san hrang mi ni hong itîr kha a isa ual a ni,” an tia.

2 SAMUELA 21:17

Khannisian Zeruii nâipa Abisaia khan Davida kha a sana, Filistia milianpa kha a doia, a that tâka. Kha hnung chu Davida mihai khan Davida kha irdoina hmuna fe ta loi hrangin chong an inkungtira. “Israelhai roiinpuitir tak ar hmang loina hrangin irdoi hrangin kin laia hong suak ta no ro,” an tia.

JOBA 31:31

Ki sintho ngaihaiin, mikhual ki lei lômlût ngai ti khom an inhriat.

JEREMIA 40:8

Mizpa khuaa Gedalia irhmupui hrangin hi mihai Nethania nâipa Ismaela, Korea nâipa Johanana, Tanhumeta nâipa Seraia, Netofa mi Efaia nâipasalhai, Makath mi Jezania le mi danghai an honga.

JEREMIA 42:2

“Rengpa ni Pathian kuang, keini ta hrang le hitaka hôia la omhai ta hrangin ni chongchai pe sa roh. Zoro lei fe tâka khan chu tamtak kin ni ngaia, khan atûn hin chu ni ihmu anga hin mi tômte vai imâkin kin iom a ni.

JOHANA 11:50

Mipui irthûla mi inkhat a thia, nam pumpui irhmang chit loi chu nin ta hrangin a sa ual ti nin inhriat loi a ni,” a tia.

1 SAMUELA 24:4

Davida mihai khan, Davida kuang, “Irngai ro, Rengpa’n ni kuang ni râl kha nang pe ki ta, a chunga sa ni iti lam ang takin tho ni ti, a iti sûn kha a ni ta,” an tia. Khanchu Davida kha a thoia, dâihrekin Saula puanhmor kha a va ât tana.

1 SAMUELA 26:8

Abisaia khan Davida kuang, “A vuan hin Pathianin ni râl kha ni kuta nang a ipêk a ni, khasikin ufei leh hin irnêng la hong sun bê ta hi rong duah, voihni chu sun no ning,” a tia.