JEREMIA 4:6 - PATHIAN LEKHABU IRTHIANG C.L. Bible (BSI)

⁶ Zion enin irsinsiana târ roi! Zôk hrangin intân unglân, ir-ial ta no roi! Rengpa’n vânduaina irkhêl tak hmâr tiang ata irhmang vingna irkhêl tak a hong itung hrang kêng!

JEREMIA 4:6 ပူးပေါင်းရင်းမြစ်များ

ISAIA 62:10

Kho sûng ata hi fesuak unglân, ki mihai hongna hrang lampui siam hrangin, irthok ta roi. Nel inbit unglân, lamlian siamna hrangin nel inbit roi. Lunghai irthiang infâi unglân, mi tin mithmua irsinsiana puan târ roi.

JEREMIA 10:22

Irngai ta roi, thuthang a hong tung ta! Hmâr tianga mihai irchunkhôm nî chu; Judai ram khopui inram chita, sihalhai lêngna hmun siam hrangtuhai chu,” ki tia.

JEREMIA 18:11

Khasikin atûn hin Juda mihai le Jerusalema omhai kuang, anni doi hrangin thil ki’rsiama, dûk thohai hrangin ki irzoi diam ta a nih ti hril roh. Anni chu sual sintho hringnun hmang inhek hrangin hril ro, an lampuihai thûla an sinthohai mâkin.

JEREMIA 21:7

Khan nang chu ni mi lianhai le ni mipui irdoina hmun ata, châm le hripui ata dam suaka la omhai, nin rênga nangni that nuam rêng Nebukadnezara’n nangni that a ti. Mi tukhom khonzâna mo, lungkhamna mo, nin chunga inlangtirin nangni hôi viat no ni. Keima Rengpa hin ki iti a ni,” a tia.

JEREMIA 22:7

An siat hrangin mi tîr ki ta, meia pai an ti.

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 4:21

Idôra sôt mo irdoi hi ki la ihmu maiin, Bekul tum irhâi ki la inhriat hrang?

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

JEREMIA 50:22

Irdoina irhâi chu ram sûnga a’rhâi inhriat a nia, siatna irkhêl kha a iom a ni.

JEREMIA 51:12

Babulon kulbang inset hrangin inhriatna pe suak ta roi. A hrungtu intamtirhai ualin lân, enirchiktu sehai ro! a len ruang hrang mi se roi!” an tia. Rengpa’n Babulon ram mihai chunga tho hrang a iti chu a itho zoi hrang a ni.

JEREMIA 51:27

“Irdoi hrangin inhriattirna pe roi! Namhaiin an inhriat theina hrangin bekul tum roi! Babulon ram ta hrangin namhai chu irvôtir unglân, Ararat, Mini le Askenaza ramhai, ama doi hrangin inhrilhai roi. A doi hranga hruaitu’n mi bê unglân, khâi puang anga tamin sakor bûmhai roi.

JEREMIA 51:54

Khan Rengpa’n a hrila, “Babulon sûnga chap irhâi le siatchitna sika a ram sûnga inrung irhâi chu irngai roi.

JEREMIA 6:1

Benjamina mihaio, zôkna zongin intân ta roi; Jerusalem ata rot ta roi! Tekoa khuaa bekul tum unglân, Beth Hakerem-a irthokin inhriat theina mei inchok roi. Hmâr tianga irthokin intakna le siatchit theina a hong itung hrang a ni.

JEREMIA 6:22

Rengpa’n a ti, “Hmâr tiang ata mi an zuanga, ram hlataka nam roiinpui chu râl doi hrangin an irsiam mai ta a ni.

EZEKIELA 9:1

Khan, irhâi inring takin ki mikuara a hong khêka, “Khopui enkoltuhai chu koi khôm ro, mi thatna hrang hriamhrei hong chôi ri sehai,” a tia.

EZEKIELA 9:2

Khan, irngai ta, hmâr tianga om, dâi mikot inchung tak ata mi kiruk an honga, mi tinin mi thatna hriamhrei chu an chôi chita; khan, an laia mi inkhat puan irnêm sil khan, a konga lekha irziakna pentui a chôia. Khan, anni chu an va lûta, dârsen maichâm bula khan an ngîr tâka.

ZEFANIA 1:10

Khan kha nikhua khan Jerusalem nga mikot bâia irthok khan khêk irhâi irkhêl tak om a ta, Misne ata khêk rak rakhai, tâng ata irse mur murhai, om an ta, ti hi Rengpa thu suak a ni.

ZAKARIA 6:6

Khan, tâli sakor dukhaiin an ikai kha Babulon ram hmâr tiang an fea, khan sakor ngoihai kha nitâk tiang an fea, sakor rânghai kha chu sim tiang an pana.