JEREMIA 4:3 - PATHIAN LEKHABU IRTHIANG C.L. Bible (BSI)

³ Rengpa’n Judai ram mihai le Jerusalema mihai laia a iti pehai chu, “Nin irnêng âlkai loinahai kha kai unglân; nin chîmu ruhai khom ilhling bila inthek no roi.

JEREMIA 4:3 ပူးပေါင်းရင်းမြစ်များ

IRPHUTNA 3:18

Ilhling le hloisûlhai khom nang inpung pe ki ta; khan, irnênga ansûl hloihna fâkin om ta ni ti.

FESUAKNA 23:11

Kum sarina kuma chu ni irngam hrang a ni, khatak ata chu ite farhli khom ni irtik hrang ni mah. Mi’nrianghai dong hrang a nia, an irtik zoi loi la om chu ramsahaiin an ifâk hrang a ni. Khaang khan grep le oliv loihai khom ni itho hrang a ni.

HOSEA 10:12

Mâni ta hrangin felna tû unglân, lungkhamna ât roi; nin irnêng hoihai choiirlet unglân, Rengpa zong zoro a nia, a honga satvurna nangni a vur mâka chu.

MATHAIA 13:22

Fachî ilhling kâra tâk kha thu inhre tâkhai an ni, Khannisian, hi rammual kanna le irchongnahai khan thu kha a dîpa, ra nei ngai mah.

MATHAIA 13:7

Senkhat chu hloi ilhlingnei kâra a tâka, hloi kha a hong mông irsânga, a hong dîp irhmang ta.

MARKA 4:7

Senkhat ilhling laia a tâka, ilhling kha a hong irsôna, a dîp irhmanga, ra thei ta mah.

LUKA 8:14

Hloiilhlingnei laia tâkhai chu thu kha an inhriata, a hong irsôna, khannisian dam sûng hringnun inhoinahai le irchongnahai khan a hong dîpa, ra puihling a insuak ngai loi a ni.

LUKA 8:7

Senkhat hloiilhlingnei kâra a tâka, hloi khan ar sôn dela, a dîp irhmang ta.