JEREMIA 4:27 - PATHIAN LEKHABU IRTHIANG C.L. Bible (BSI)

²⁷ Rengpa khan, A ram pumpui chu rotsan ni a ta, Khannisian, a mongna chu intungtir no ning.

JEREMIA 4:27 ပူးပေါင်းရင်းမြစ်များ

2 THURCHI SUINA 36:21

Jeremia bâia Rengpa thu lei hril chu, Kum sômsari sûng chu nin ram châr a ta, a iti kha a hong itung a ni ta.

NEHEMIA 9:31

Khannisianlân ni lungkhamna zârin a hekna chu intungtir pehai mak chea, mâk khom masanhai loiin; Pathian lungkham thei taka sip ni ni sikin.

ISAIA 17:6

Oliv ra tâk zoi sai, a rêla la om ta thei loi, a vîk irsânga minli ringa la om ang hi la ni an ta, Israelhai Pathian Rengpa thusuakin a ti.

ISAIA 24:1

Rengpa’n Irnêng hi inlet a ta, irhmangtir a ti. Kai illettir a ti.

JEREMIA 18:16

Hi ram hi thil ichiomin an siama, irngaiinhlu loia om mai hrang angin. A theng irlôihaiin an thil hmu kha ar khêl ti an ti. Irngai irkhêlin an luhai khom notpol an ti.

JEREMIA 25:11

An ram pumpui chu ramin masan ni a ta, mita hmua inlâi thei ni a ti. A kôlvêla nam tinin Babulon ram rêng sin kum sômsari sûng chu tho an ti.

JEREMIA 30:11

A sansuak hrangin ni kuang ki om mai ngai, ti hi Rengpa thu suak a ni. Nangni ki inhnotsuakna rama nam tinhai chu insiatpaihai hlet ki ta, nangma chu nan siatpai chit no ning. A ruk bakin nang irchu ki ta, hrem loiin chu suak ual no chi ni.

JEREMIA 4:20

Vânduaina irkhêl tak an tungtir baka; Ram pumpui a isiat zoi a ni ta. Mitkhap kârin kin puan inhai a siat zoia; an puanzârhai ite om zoi ta mah.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

JEREMIA 44:6

Khasika khan ki ningmurna chu Judai ram khuahaia le Jerusalem kotsuahaia ki bukhai ta, mei leh ki ihâl a ni ta. Anni chu ramin le en intak takin a vuana an iom ang hin ki imâksanhai a ni ta.

JEREMIA 46:28

Nin kuang zuang ki ta, nangni inzôk ki ti. Nangni kin thekindarna hmun nam tinhai that irhmanghai ki ta, khan nangni chu nangni that irhmang zoi no ning. Dûk tho loiin chu nangni inomtir no ning, nangni kin tuangtir khomin, diktakin nangni intuangtir ki ti.

JEREMIA 5:10

Ki mihai grep irhuan sât infâi hrangin ki râlhai tîr ki ta, insiat hrang chu ni loiin. A ônhai sâtpai hrangin hrilhai ki ti. Kha a ônhai kha ki ta an ni no sikin.

JEREMIA 5:18

Rengpa’n a ti, “Kha nikhuahai khan ki mihai irhmangtirhai no ning,

JEREMIA 7:34

Ram chu ramchâr inchang a ta, Juda khopuihai le Jerusalem kholâihaia raifân le lômin hri inboitir ki ta, irneina hruaithe irhâi hoihai ten lua inmongtir ki ti,” a tia.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

CHAP HLA 2:7

A maichâm chu Rengpa’n a hnôla, a hmun irthiang a mâksana, a banghai khom râlhaiin an insiatpai ta. Râifân taka kût lian an hmang lai ang khan, An râlhai an hong irbuk pehai hut huta.

EZEKIELA 11:13

Khan, thu ki hril lai khan Benaia nâipa Pelatia chu a thi tâka. Khan ki hmâi hnuai sikin kin bokhrupa, hnukirhâi inringtakin ki khêka, “O Rengpa pathian! Israel la om sunhai hi ni inboipai zit hrang ma ni?” tiin.

EZEKIELA 20:17

Khannisian, ramchâra thatpaihai hrangin chu, kin renhaia, ki ithathai zit ta loi a ni.

EZEKIELA 33:28

Ram chu inpon chitin siam ki ta, an irsorpui ngai sinthotheinahai khom kha hek ta a ti, Israel rama tânghai chu ramsêt inchangtir ki ta, khataka khan mi tukhom inlôi thei no nihai.

EZEKIELA 6:14

Israelhai chunga ki kut irlek ki ta, ramchâr ata Ribla, tianga an omna hmun murdia ram chu inramin insiat zit ki ti, khanchu kei hi Rengpa ki nih ti inhriat an ti,” tiin.

LEVI DÂN 26:31

Nin khopuihai kha insim ki ta, nin pathian biakhai kha inramtir ki ta, nin irbôlnahai kha nangni lei pom pe no ning.

LEVI DÂN 26:44

Khaang tak khan hrem khom inlân an râlhai rama an om kha, sehai rak no ninga, inboipaihai zit ual no ning.

ZEFANIA 1:18

Rengpa ninginmurna nia chu an rângachak mani, An tangkarua’n mani khomin anni kha sansuak thei no ni; Ram pumpui hi a khôkmâkna meia khan kâng irhmang zit a ti. Rama omhai murdi inboi a ta, A ni, inboina irkhêl tak a siam hrang sikin.