JEREMIA 4:24 - PATHIAN LEKHABU IRTHIANG C.L. Bible (BSI)

²⁴ Mual ki en khomin an inhnîng supa, Tânghai khom an inthing sup supa.

JEREMIA 4:24 ပူးပေါင်းရင်းမြစ်များ

1 RÊNGHAI 19:11

Rengpa’n a kuang khan, “Hong suakin lân, tâng sîpa hin hongin lân, Rengpa makunga hin hong ngîr ro,” a tia. Rengpa chu a hong nâia, phâivuapui hrât tak a hong thoa, tânghai a chima, lungpuihai a chim remruma; khannisianlân, phâivua kâra khan Rengpa chu om ual mah. Phâivua a chumin chu hnîngnu a hong inhnîng nôka, hnîngnu kâra khom khan Rengpa om ual maka.

INPÂKNA HLAHAI 18:7

Kha zoro lai khan irnêng hi an hnînga, an thing tâka.

INPÂKNA HLAHAI 77:18

Ni khonri irhâi chu kêllaiherin a oma; Kôlirtêkhai khan rammual hi a êl dop dopa: Irnêng hi inthingin an hnîng dût dût a ni.

INPÂKNA HLAHAI 97:4

A kôlirtêkhai khan rammual hi an vârtir lop lopa: Irnêng hin a hmua an thinga.

FESUAKNA 19:18

Sinai tânga khan Rengpa kha mei angin a zuang chum sikin an thim khap tâka; kha meikhu kha, hâl inzôina meikhu angin a tâk chûl chûla, tâng kha a saterengin an hnîngtira.

ISAIA 13:13

A ningmur a hong tung tena chu Itinrêng Rengpa’n irvân khi inhnîngtir a ta, irnêng khom nok a ta, a omna hmun ata nok a ti.

ISAIA 24:20

Zu’nrui angin hon hnîng van hnîng a ta, irnak irvun boi angin om a ti. Sualnahai hi irkhêl takin irtetpui a ta, thoi ta no ni.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

JEREMIA 8:16

Ei râlhai chu Dan khopuia an oma, an sakorhai hnârkhông irhâi khom ei inhriat a ni. A ram pumpui chu sakor inhrâm chiin an inthing a ni. Ei râlhaiin ei ram le a sûnga thil tinrêng ei khopuihai le a mihriamhai siatna hrangin an ihong a ni.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

EZEKIELA 38:20

Khanchu tuipuia nga murdihai, ramsa murdihai le mihriam murdihai, irnêng chunga omhai kai chu keima ni chipumin inthing an ta, tânghai chim a ta, bang murdihai khom chim ving a ti.

MIKA 1:4

Mei kôla khuaihlu ang le rôla chêntâk ang dênin, tânghai kha a hnuaia khan zôi an ta, irhôrhai kha hong kik chat a ti.

HABAKUKA 3:10

Tânghai khan nang an hmua, an chia; Tui irsokhai khom kha an fe irhmang tâka; Li inthûk khan hnukirhai an suaa, A kuthai kha chung tiang a phara.

HABAKUKA 3:6

A ngîra, irnêng kha an hnînga, Namhai kha a ena, an hnot indara; Kumkhua tânghai khom kha indartirin an oma, Kumtuang mualhai kha an kûn saa; A lampuihai kha kumtuanga hrang a ni.

THUPHUANG 6:14

Irvân chu lekhabu an inzuatpai angin, a boi tâka; tâng le chômbung tinrêng kha an omna hmun rengata ithînpaiin an om tâka.