JEREMIA 4:21 - PATHIAN LEKHABU IRTHIANG C.L. Bible (BSI)

²¹ Idôra sôt mo irdoi hi ki la ihmu maiin, Bekul tum irhâi ki la inhriat hrang?

JEREMIA 4:21 ပူးပေါင်းရင်းမြစ်များ

JEREMIA 6:1

Benjamina mihaio, zôkna zongin intân ta roi; Jerusalem ata rot ta roi! Tekoa khuaa bekul tum unglân, Beth Hakerem-a irthokin inhriat theina mei inchok roi. Hmâr tianga irthokin intakna le siatchit theina a hong itung hrang a ni.

JEREMIA 4:19

A na! tuang zoi ta ma ung, a na! Ki milung a na hraia a nin buai zoi ta! ki idâihrek thei ta loi a ni hi; bekul tum irhâi le irdoina khêk irhâi kin hriat tâk sikin.

2 THURCHI SUINA 36:17

Rengpa’n anni soisak hrangin Babulon rêng a hong hruaia, rêngin Judai rama ruathartehai chu tempil sûnga khom a that phiarhaia. Ulian le nâipang lêk loiin, nupang pasal, hrisêl le sêl loi dênin ite inrenna boiin. Pathianin a kuta a ipêk ving a ni.

2 THURCHI SUINA 36:10

Kholum a hor phut tiang chu rêng Nebukadnezara a honga, Babulon sala a hruaia; tempila thil hlu murdi a chôipai vinga. Nebukadnezara’n Jehoiakina sangpa Zedekia chu Judai ram le Jerusalema rêngin a sia tâka.

2 THURCHI SUINA 36:3

Aigupta rêng Nekoa’n sala a chela, Judai ram chu, khâzana tangkarua her sângthum irzaminli le rângachak her sômthum minli an chôitira.

2 THURCHI SUINA 35:25

Deipu Jeremia chu Josia sûnna hla a phuaa, Israelhai laia hla sak mi, nupang le pasal rêng sûnna hla an saka. Sûnna hla irziak khômna bua, kha hla kha a chuanga.

JEREMIA 4:20

Vânduaina irkhêl tak an tungtir baka; Ram pumpui a isiat zoi a ni ta. Mitkhap kârin kin puan inhai a siat zoia; an puanzârhai ite om zoi ta mah.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.