JEREMIA 4:2 - PATHIAN LEKHABU IRTHIANG C.L. Bible (BSI)

² ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

JEREMIA 4:2 ပူးပေါင်းရင်းမြစ်များ

IRPHUTNA 22:18

Ki hê ni lâk tâk sikin, ni’rchi lai ata rammuala chi tin vânsatna la dong an ti; mâni le mâni irtiin thu ki inkung a ni ta, Rengpa’n a ti,” a zuang tia.

1 RÊNGHAI 3:6

Solomona’n, “Ni siahlo Davida, ka pa chu nangma hrangin iamom takin a oma, dik tak le lungrîl fel le irthiang takin a om sikin, ni’rngaiinnata, a chunga ni khonzâna irsâng tak pêkin atûn hin rêngtoihmuna toi hrangin a nâipa ni pêka.

INPÂKNA HLAHAI 72:17

A’rhming chu kumkhua’n dâi no ni: A’rhming chu misa a om sûng chu dâi loiin om mai a ta: Mihai chu amaa khan satvurin om an ta; Nam tinrêngin ama chu vânnei ti an ti.

INPÂKNA HLAHAI 99:4

Inlaltak hrâtna khan roirêlna a’rngaiinhlua; Nang chu theibîknei loina nin det ngaia, Nang chu Jakoba-hai laia roi ni rêla, fel takin ni tho ngai.

ISAIA 45:23

Mâni irhming sâmin khomâk ki’rsâma, Ki chonginkung chu iamom tak a ni. Ki thu hril sai tâk chu irlêk ta ngai ma ung; Ki makunga mitin khûksadelin ki’rhming sâm an ti.

ISAIA 45:25

Keima Rengpa hin Jakoba irchihai chu saninhringhai ki ta, anni’n ni chôiindôm an ti.

ISAIA 65:16

Ram sûnga mi satvurna zongtuhaiin, Pathian iamom irhming sâmin khuasâl an ti. Matona buainahai a hek zoi tâka, ki ihmu loina rama an om zoi ta.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

JEREMIA 12:15

Khan, ki thonpai hrangin, an chunga khonzâna nei nôk ki ta; nam tin mâni hmun le mâni ram chita hruai kîr nôkhai ki ti.

JEREMIA 12:16

Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 33:9

Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

JEREMIA 5:2

Rengpa chubai mûkin irbê ngai khom unglân, Nin iti kai kha a nia, nin itum tatak chu ni mah.

JEREMIA 7:5

Nin innun dân indanglamin nin sinthohai masan ta roi. Nin ir-enkol dân satakin irngîk roi.

JEREMIA 9:24

Mi tukhom irpâk a nuamin chu, mi’n hrilin nin hril infelin inpâk ri se, ki lungthungna chu a det a ni sikin, thildik le thil fel tho ngaitu ki ni. Hi thilhai hin a nin lômtir ngai a ni,” ti hi keima Rengpa hin ki iti a ni.

HOSEA 2:19

Kumkhuain, ki ta hrangin nang hual khak ki ta, felna mani, roirêlna mani, lunginkhamna mani, inrenna mani ki ta hrangin hual ki ti.

JOELA 2:12

Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân:

ZAKARIA 8:8

Jerusalema om hrangin nisua tiang le nitâk tiang ata la hong hruaihai ki ti. Anni chu ki mihai ni an ta, kei chu an Pathian iamom tak le diktaka an chunga roirêltu ni ki ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

1 KORINTH 1:31

Khanchu an irziak angin, “Song hrang nuamhaiin Rengpa kha song ri sehai”.

2 KORINTH 10:17

Khannisianlân, Pathian Thu’n a iti angin, “Tukhomin a song nuam murdi’n chu Rengpa sintho kha song ri se,” ti a ni.

GALATIA 3:8

Khan, Lekha Thu khan Jentailhai khom iamna sikin Pathian khan thiam inchangtir hrang a nih ti a lei hmua; khanchu Abrahama kuang, “Nangmaa khan nam tin satvurin om an ti,” tiin Thurchi Sa kha a lei hril diam tâk a ni.

DÂN INHNINA 10:20

Rengpa nin Pathian kha chi unglân, a sintho unglân, ama kha chel khak roi; inkungna hrangin a’rhming vai sâm ngai roi.

DÂN INHNINA 4:30

Nikhua hnungkhônhaia chu intak tuang nin ta, a thu zôm ta nin ti.

DÂN INHNINA 6:13

Rengpa nin Pathian kha chi unglân, ama vai chubai mûk unglân, ama irhming vai sâmin khomâkirsâm ngai roi.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

RUTHI 3:13

A vuan zân chu riak photin lân, nangtûka ni urêng irnaipuiin a itho hrang a tho nuam no’n chu keima’n tho ki ti, ti Pathian hring irhmingin chong kin kung, khovâr mân chu zâl phot ro,” a tia.

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.