JEREMIA 4:18 - PATHIAN LEKHABU IRTHIANG C.L. Bible (BSI)

¹⁸ Judai rama ni omdân le ni thil thohaiin ni chunga a ichum a ni ta. Ni sualna’n ni tuanga; ni milung taka nang a isun a ni ta.

JEREMIA 4:18 ပူးပေါင်းရင်းမြစ်များ

INPÂKNA HLAHAI 107:17

Mi invêthai kha an tho’nchâina sik le, An pualoinahai sikin deng an thei ngai.

THUVÂRHAI 1:31

Khasikin nin irhoi lam ang takin hmu nin ta, nin sinthohai ngei khan nangni zêm a ti.

THUVÂRHAI 5:22

Mi pualoi sualnahai kha châng a ni. Ama sualnahai ngeia khan a khit ngai.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

JEREMIA 14:16

Hi thilhai hi an ihril pe mipuihai khom khaang ngêtin ki ithathai hrang a ni. An hnâchangrôp chu Jerusalem inkhâr lamlianhaia pai ni an ta, tûte a phûm hrang om no nihai. Hi hi an dôngmahai, an nâipasalhai le nâinuhai an rênga chunga tung a ti, an tho’nchâina man ki ithuanhai hrang a ni,” a tia.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

JEREMIA 5:25

Khasikin nin sual sinthôna sikin hi thilhai hi a boi zoia, nin sualna sikin thil sa nin idok a ni ta.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

CHAP HLA 3:15

Ki hnông tâk khomin thil khazât a nin intira, thil irkhêl tak a ni intuangtir a ni.

EZEKIELA 39:24

An porinchena le an pualoinahai sikin an idongtumhai chu dong an ta, anni ata a dang tiang irheisanhai ki ti,” a tia.

HOSEA 7:2

An sualna murdi kin hrât mai ti an milungin ngaitua mahai: atûn chu an thilthohai ngeiin a ngîm khak tâka. ki hmâi makunga an iom a ni.