JEREMIA 4:16 - PATHIAN LEKHABU IRTHIANG C.L. Bible (BSI)

¹⁶ Namhai inhrilhai unglân, Jerusalema inpuang roi. Ram hlatak ata irhual hrangin an honga, Juda ram khopuihai rûn hrangin an ikhêk a ni.

JEREMIA 4:16 ပူးပေါင်းရင်းမြစ်များ

ISAIA 34:1

Nam tinrênghai hong nâi unglân, irngai hrangin hong roi. Irnêng le a sûnga omhai hong unglân, nin rêngin irngai roi.

ISAIA 39:3

Deipu Isaia chu Hezekia kuang a honga, “Kha mihai khan imo an hong itho hrang? kho tiang ata hong moh an ini?” a tia. Hezekia’n, “Ram hlatak ata hong an nia, Babulon khua ata hong an ni,” a tia.

JEREMIA 1:15

hmâr tianga nam tinhaiin hitaka hong hrangin ki koi sikin. An rênghai hong an ta, Jerusalem kotbâihai le kul bang irhualin an rêngtoihmunhai dong an ta, Judai ram khopui danghai khom hual sa an ti.

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 2:15

Kâmkeibaknei angin an inhrâm khuma; A ram chu ramchârin an siama, a khopui khom a lua hrang boiin a ram zoi tâk.

JEREMIA 31:10

O namhaio, Rengpa thu hi irngai roi, tuikhanglian kôla ram hlatakhai khom hrilhai roi, Israel indartirtu khan hruaikhômhai nôk a ta, belrapu angin anni chu enkolhai a ti, tiin.

JEREMIA 39:1

Juda rêng Zedekia inlal kum kuak le tha sômna khan, Babulon rama rêng Nebukadnezara chu sipai pâl tamtak leh hongin, Jerusalem an doia.

JEREMIA 4:17

Jerusalem chu mi’n loi an ihrung ngai angin, hrung an ta, a mihaiin Rengpa chunga an tehel sikin Rengpa’n a iti a ni.

JEREMIA 5:15

Israel mihaio, nangni doi hrangin ram hlatak ata irthokin Rengpa’n, nam a hong ihruaihai hrang a ni. Tianlai ata nam inthang bîk a hrât, an chong nin inhriat ngai loi chu.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

JEREMIA 6:18

Khasika khan Rengpa’n a iti a ni, “Namhaio, irngaitua roi, ki mihai chunga thil zuang tung hrang hi len hre roi.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

JEREMIA 6:22

Rengpa’n a ti, “Hmâr tiang ata mi an zuanga, ram hlataka nam roiinpui chu râl doi hrangin an irsiam mai ta a ni.

JEREMIA 6:23

An phohai le khandaihai a inlang thiai a ni tâka, mi nunter le khonza nei loi an ni. Tuipui irhâi angin sakora an chuanga, an intân irhâi chu a ni. Jerusalem doi hrangin an irsiam diam a ni ta,” a tia.

JEREMIA 8:19

Ram dang le kha ki mihai chapna ki inhriat hi irngai roi. “Zion-a Rengpa chu a iom ta loi ma ni? Khatak khan Zion rêng chu a iom ta loi ma ni?” Rengpa an rêng khan a sâma. Ni millimhai chubai mûkin; nin ram dang pathian hmanghmunboihai makunga lu kûnin, “I lo hrang mo ki ning nin inmurtir,” a tia.

EZEKIELA 21:22

Jerusalem tiang irnghain, tasânna thal chu a kut chang tiangin a chela; irkâpna hmunhai siamna hrang le, thattuhai ta hranga bâi kak hrang le, khêka rôl insua hrang le, dâi mikothai epa irkâp hmunhai siam hrang le, irnêng inpônghai siama, kulhai siam hrang chungchâng thu tasânna khan an langa.