JEREMIA 4:13 - PATHIAN LEKHABU IRTHIANG C.L. Bible (BSI)

¹³ En ta, sûmphâi angin râl an hong so. Irdoina tâlihai chu phâivua angin mipuihai nêkin sakorhai so intân an hrât ual. Ei hrangin intak a ti! ei isiat zoi a ni ta.

JEREMIA 4:13 ပူးပေါင်းရင်းမြစ်များ

2 SAMUELA 1:23

Saula le Jonathana chu inditomin an sa vang na! An hring khomin, an thi khomin, irsen ngai mahai. Irmupuihai nêkin an hrât uala, kâmkeibakneihai nêkin an ihrât ual a ni.

ISAIA 13:5

Kôlkil ata hong an nia, irvân irsângna ata zuang chum an ni, Rengpa’n a ningmurna hriamhreiin ram pumpui insiat a ti.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 3:8

Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

ISAIA 5:28

An thalhai chu a’rzum insa pehai, an thal ngul khom irfûk saiin an chôia; an sakor ke mitinhai khom ngaih tak a ni, an tâli kehai khom kêllaiher angin a’rhêl dût dûta.

ISAIA 66:15

Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

JEREMIA 10:19

Jerusalem mihai chu an khêk suaka, “Ei na vang na! ei sâbe laka chu indam thei zât ni maka. Ei ituang zoi hrang ma nih ei lei sôn ngaia.

JEREMIA 4:12

Rengpa thupêka hong phâivua chu kha nêka hrât ual ni a ti. A mihai chungthu rêltu chu ama Rengpa ngêt a ni.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 46:18

Keima Rengpa Itinrêngthothei rêng chu ki nia, keima hi Pathian hring chu ki ni. Tâng chunga tâbor tânga irchuan luai angin, Karmel tâng chu tuipui chunga a ingîr ngut angin, nang a doitu irnak neizia chu khaang kha ni a ti.

JEREMIA 48:40

Rengpa’n chong an kunga, irmu’n a mitha phar dûr angin hi Moab chu nam inkhatin a inbo hrang a nia,

JEREMIA 49:22

Bozra chu râlhaiin irmu a mitha phar puma a inbôhai angin, an idoi hrang a ni. Kha nikhuaa khan Edom sipaihai chu nupang nâiha isê irtha’nvâi ang hin om a ti,” a tia.

JEREMIA 6:23

An phohai le khandaihai a inlang thiai a ni tâka, mi nunter le khonza nei loi an ni. Tuipui irhâi angin sakora an chuanga, an intân irhâi chu a ni. Jerusalem doi hrangin an irsiam diam a ni ta,” a tia.

JEREMIA 9:19

Zion-a chap irhâi so irngai hi roi, “Ei insiat zoi tâk! Mual ei inphoi a ni ta! Ei ram hi ei imâk ngêt hrang a ni. Ei inhai lak chu a chim zoi tâka,” tiin.

CHAP HLA 4:19

Irvân ata irmu hrât tak nêkin a ni’rzûltuhai hi an ihrât ual a ni. Tângsîpa khom an ni’rzûla, ramchârna hmuna khom an ni lei khêl ngai.

EZEKIELA 26:10

An sakorhai vâiphin inkhû khan nang bôm a ta, khopui siat dâi mikothaia an lût tena chu, an sakor thilkai irhâi le an tâlihai leh khan ni banghai chu inhnîngtir an ti.

EZEKIELA 38:9

Ama le a sipaihai a kuanga nam tamtakhai khan phâivopui angin doi an ta, ram kha sûmphâi angin bôm a ti,” a tia.

DANIELA 11:40

Khan mongna nî chu sim tianga rêngin ama hong nor a ta; hmâr tianga rêngin tâli le sakor chung chuang mi le irhuang tamtakhai le kêllaiher angin ama doi an ta, ramhai lûtin, chin zoi a ta, palthuanhai a ti.

DANIELA 7:4

Inkhatna kha chu kâmkeibaknei ang a nia, irmu mitha a neia, a mitha pharin, irnêng ata a phara, mihriam anga ke inhnia ngîr theiin siam a nia, mihriam lungrîl irput angin ki en chiana.

HOSEA 8:1

Bekul kha ni hmûra irsuntir ro, Rengpa sûngkuahai chunga irmupui angin a zuang e, ki thuthung an tho’nchâia, ki dân an lôipai sikin.

MIKA 2:4

Kha nikhuaa khan nangni demin chongirkhekna thu siam an ta, chap hla beidong om insamin, ilong zitin kin iom tâk a ni hi te: ki mihai dongtum an danglamtira: ki kuang ata a isonpai tâk a ni hi! Tehel hmanghai kuang kin lei sem indarh tâk a nih ti an ti.

NAHUMA 1:3

Rengpa chu a milung ar uaia, a satêrenga thil thothei a nia, mi sual chu thiam inchangtir zel no ni; Rengpa khan kêllaiher le phâivopuia lampui a nei, sûmhai chu a ke vâiphin a ni.

HABAKUKA 1:8

An sakorhai khom kâmkeite nêkin an chaninrang uala, khohloi tianga inêhai nêk khomin ichi an om ual; An sakor chung chuanghai kha an hong chum thiar thiara: A ni, an sakor chung chuanghai kha hlatak ata hong an ni; Irmupui âr chel hrang angin an zuang hrâta.

ZAKARIA 6:1

Khanchu inlârna ki hmu nôka, sumsen tâng inhni kâr ata hi sakor tâli minli hong suak hi ki hmua.

MATHAIA 24:30

Kha zoro tika chu irnênga nam tinrêngin chapin an rôp irchûm an ta, Mihriam Nâipa hi sinthotheina le roiinpuina irkhêl tak le irvân sûm laia a zuang hmu an ti.

DÂN INHNINA 28:49

An chong khom nin inhriat ngai loi, mi nunrông tak tak, kôlkung ata Rengpa khan hong indoitir a ta, irmu angin nangni zuang inbo thut an ti.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.