JEREMIA 39:16 - PATHIAN LEKHABU IRTHIANG C.L. Bible (BSI)

¹⁶ Ethiopia mi Ebedmeleka inhrilin Rengpa Itinrêngthothei, Israelhai Pathianin a ni ti, “Tho hranga ki iti angin hi khopui chunga hin vângsakna ni loiin siat theina ki intungtir hrang a ni. A hong tung tena chu kha kha hmu hrangin, kha khan om a ti.

JEREMIA 39:16 ပူးပေါင်းရင်းမြစ်များ

2 THURCHI SUINA 36:21

Jeremia bâia Rengpa thu lei hril chu, Kum sômsari sûng chu nin ram châr a ta, a iti kha a hong itung a ni ta.

INPÂKNA HLAHAI 92:11

Ki mitin ki râlhai chunga ki inuamlam ten chu a hmu tâka, Ki bengin thil saloi thotu ni hong beituhai chunga ki inuamlam tung irhâi chu an hriat ta.

JEREMIA 26:15

Khannisian hi hi chu inhre roi; nin ni thata ni’n chu, nangni le hi khopui sûnga mipuihai chu tho’nchâina nei loi, a thattu mophurna nin ipêl hrang a ni, hi irningna chong nangni pe hranga a ni tîrtu chu Rengpa a ni sika hin,” ki tia.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:20

(Mi dang inkhat, Semaia nâipa Uria, Kiriath-jearim mi, Jeremia anga hi khopui le nam danghai dema Rengpa irhminga thu inpuang ngai a oma.

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 36:31

Nin sual sikin nangma le nir chihai, ni milianhai dûk nangni tho ki ti. Nangin mo, Jerusalem le Judai ram mihaiin nangni ki ihril uksak mak chêia, khasika khan nangni ki lei insîna ngai vânduaina irkhêl murdi nin chunga insum ki ti.

JEREMIA 40:3

Tho hranga a iti kha a itho a ni tâk. Rengpa chunga thil nin tho’nchâia, a thupêkhai nin zôm no sikin, hihai hi a itung a ni.

JEREMIA 44:27

Vângsak loia nin tei chitna ni hrangin ki irngaitua hrang a ni. Inkhatte lua hôi loiin nin om mâka chu, khandaiin aninole hri le hrâiin nin ithi ving hrang a ni.

DANIELA 9:12

A thu kin chunga a ihril le kin roirêltu, kin chunga roirêltuhaiin thil saloi tamtak a hong tung irkip ta. Jerusalem chunga tho ang khan vân hnuai pumpuia tho thei ni maka.

AMOSA 9:4

An râlhaiin sala an ihruai kha thu pe ki ta, khandaiin sât thâk a ti, changpui nêkin annihai kha thatpai ki itum a ni.

ZAKARIA 1:6

Ki thu le ki thu’nkunghai, ki siahlo deipuhai kuang, ki pêkhaia khan, nin pahai kha a innang tak khom a ini mo ni ma? khanchu, an hong irheia, sipaihai Rengpa khan kin chungchânga ti a tum ngai angin kin om dân ang zêl le kin thiltho ang zêlin keinia a ti tâk a ni, an ti kha, tiin.

MATHAIA 24:35

Irnêng le irvân boi a ta, ki thu chu boi no ni.